السلام عليكم ورحمة الله وبركاته
بنات اليوم طبخت طبخه من اختراعي والحمد لله ضبطت معاي وطعمها يجنن وسهله وسرييييييييعه
اول شي تقطعين دجاجه كامله 8 قطع وتبهرينها ببهارات مخلطه وفلفل اسود وكمون وزنجبيل ناشف مطحون وملح وتصبين عليها لبن علبه صغيره وتغطينها وتخلينها بالثلاجه لمدة ساعه تقريبا اواذا كنت مستعجله عادي اي وقت تنقعينها فيه ماتفرق ...
المهم الحين تقطعين كميه كبيره شوي من البصل الأحمر الهندي تقطعينه جوانح وتحمرينه بالزيت على نار هاديه ويفضل الزيت مايكون شوي عشان يذبل البصل ويتحمر زين .. بعد مايتحمر البصل تحطين عليه حبة ماجي وشوي فلفل اسود ورشة ملح وحبتين صغار ليمون اسود جاف وحبة فلفل حار وتقصرين النار عالاخر او ترفعينهم عن النار شوي ..
بعدين تسلقين في قدر ثاني الرز مع زعفران وكركم شوي عشان يصير لونه أصفر وملح وبعد مايستوي تصفينه وتخلينه على جنب..
الحين تسخنين زيت للقلي وتقلين فيه حبة بطاطس تقطعينها اعواد عريضة شوي ولما تتحمر تحطينها فوق البصل ..
بعدين طلعي الدجاج من الثلاجه و جيبي طحين وحطيه بصحن كبير شوي وشيلي الدجاج قطعه قطعه وغمسيها بالطحين بعدين اقليها على طول ولما تتحمر وتستوي صفيها وحطي قطع الدجاج فوق البصل وشغلي النار عليهم بس تكون واطيه بعدين كبي عليهم الرز واخلطيهم مع بعض وخليهم لمدة دقيقه على نار هاديه وبعدين قدميها مع مخلل وسلطة زبادي وفيه العافيه ..:26:
أتمنى تكونون فهمتو علي لاني اول مره اكتب وصفة طبخ ولا عندي خبره كيف ارتب الطبخه بس صدقوني جربوها وماراح تندمون :)
صباح ومسا @sbah_omsa
عضوة نشيطة
يلزم عليك تسجيل الدخول أولًا لكتابة تعليق.
aghla-7abiba
•
thanx 7abibti
رغد66
•
بسم الله الرحمن الرحيم00
السلام عليكم ورحمة الله وبركاته 00
تسلم يدك على هالطبخه وشكلها طعمه وراح أسويها اليوم إن شاء الله00
على فكره هاذي أول مشاركه لي في المنتدى وأتمنى أن أكون خفيفه عليكم 0
السلام عليكم ورحمة الله وبركاته 00
تسلم يدك على هالطبخه وشكلها طعمه وراح أسويها اليوم إن شاء الله00
على فكره هاذي أول مشاركه لي في المنتدى وأتمنى أن أكون خفيفه عليكم 0
رغد66 :
بسم الله الرحمن الرحيم00 السلام عليكم ورحمة الله وبركاته 00 تسلم يدك على هالطبخه وشكلها طعمه وراح أسويها اليوم إن شاء الله00 على فكره هاذي أول مشاركه لي في المنتدى وأتمنى أن أكون خفيفه عليكم 0بسم الله الرحمن الرحيم00 السلام عليكم ورحمة الله وبركاته 00 تسلم يدك على هالطبخه وشكلها طعمه...
هلا فيك يالغاليه ونورتي المنتدى بوجودك فيه ويارب تستفيدين منا ونستفيد من تجاربك ومرحبا مليوووووووووووووون فيك وهذا شرف كبير لي انك تشرفيني بموضوعي .. واتمنى تعجبك الطبخه وبالامانه اذا سويتيها وضبطت تبشريني عشان اتطمن والف شكر عالمرور:26:
الصفحة الأخيرة