الزور ابن الزرزور اللي عمره ما كذب ولا حلف زور..
ذبح بقرة وترس سبعة قدور ..
وخلا الشحوم واللحوم على الصواني تدور...
ويا حبيب النبي صل على النبي..... اللهم صلي وسلم عليه
هذي طريقه سمك شرقاويه ذقته عند ناس وعجبتني مره صارو مسوينه عند طباخ عاد نشبت ابي الطريقه وخذوها
من الطباخ >>> سالفه
المهم دوكم المقادير
4 فلفل رومي تقريبا مقطع مكعبات صغار و حبه فلفل حار
5 طماط مقطع صغار و 5 بصل مفروم وحزمه كزبره مفرومه
شوي زنجبيل طاز مبشور او بودره وبهورات سمك واي بهارات تبين وملح
عصير ليمون تقريبا كاس
صلصه
يتبع
ماشاء الله تبارك الله
زيت زيتون ملعقه تقريبا
واخلطيها كل ابوها وامها
بعدين جيبي صينيه تدخل الفرن وغلفيها بالقصدير وخلي فيه زياده من شان تغطينه
وحطي شوي من الخلطه طبعاً تحت تكون اقل من فوق
وصفي السمك طبعا واكيد عارفه وانتي تغسلينه افركيه بملح ولا دقيق احسن من شان تروح الزفره
انا حطيت سمك كنعد
حطي باقي الخلطه عليه
وسكري القصدير زين وحطي بالصينيه شوي مويه عشان ماتلصق وينحرق
وخليه بالفرن ساعه او ساعه ونص تقريبا
بعدين طلعيه وحمريه شوي اذا تبين ولا ملوش لزمه
عاد امي مسويه رز مشخول وماعرف طريقته بس اذا تبون انشدها واعلمكم
وبالعافيه عليكم
ولا تنسوني بدعواتكم ولامي ان الله يعافيها ويشفيها ويخليها يارب