طبخت امس طبخه ربيان لزوجي بغى يطلقني من حلاوتها

:oالسلام عليكم بصراحه انا في غربه وحالتي حاله مع اني من زمان وانا متابعه هالمنتدى من حوالي 5سنوات لكن اول مره اكتب فيه لاني في غربه والغربه تخلى الواحد يشتاق يحكي ولو ببالكي بورد ......... اخش في الموضوع امبارح عملت اكله لم اتوقع ان تكون تهبل ولكن صارت تهبل ولله الحمد دون خساير
المقادير.
بصل 2حبه مقطع صغار
ربيان مقشر ومنظف ينقع في راس واحد:o قصدي راس ثوم و4 ملاعق خل وفلفل اسود وملح شوي
على فكره الفلفل الاسود له نكهه عجيبه في الاكل هنا في امريكا في قناه foodالطباخين مايستخدمون غيره اهو والملح
ثم .........
4م صلصه و1حبه طماطم مبشوره ترى احلى من الخلاط هذ ا انا مطره لان انا ماعندي خلاط وطلع الطماطم ليمن تبشرينه بالمبشر احلى الغربه تعلم
ورز رويال بسمتى مافي غيره في امريكا اول مره اجربه بس روعه نقعيه ربع ساعه بس
الطريقه .
نحمس البصل ثم نضع الطلطه ثم الطمويطو ثم فلفل اخضر حار ثم الربيان المنقع وبهارات على كيفك كثري احسن ثمن ملح ثمن كزبره مفرومه ثمن لومي اسود فقعيه ثمن حطيه ثمن نصف كاس ماي وقصري مممممممممممممر
الرز بعد مانقعتيه صفيه ثمن في قدر احمسي زيت طبعا البسمتى يحتاج زيت اكثر من ابوكاس ثمن البهارات الصحيحه ثمن الرز وحمسيه شوي ثمن الملح ثمن الماي بس يغطيه يعني ولااقل من سم واحد مره قليل الماي ثمن خليه شوي 4دقايق ثمن جيبي حمسه الربيان اللي في القدر يعني خلى القدر مثل ماهو ثمن كوبي عليه الرز واكتميه الين ينحشر:o امزح قصدي ينكتم طبعا نسيت اقولك حطي كزبره قبل ماتكبين الرز وخليه ربع ساعه على نار هاديه مالها حس ابد ثمن اغرفيه بس بشرط انك تقلبينه قلب بس مو بالملعقه قلب بس وحركيه بشويس اذا انت ملزمه .......... وانشاء الله زوجك يدعيلك ويدعيلي بعد:11:معليش طولتها وهي قصيره بس زهقانه مرممممممممممه ابي اسولف لي شهرين ولاكلمه مافيه عرب في منطقتنا مالت على امريكا لو ان لغتهم عربيه كان على الاقل سيرت على هالعجوز اللي قدام بيتنا والسلام ختام لاتنسون حطو معاها
دقوس ياسللللللللللم