اليوم سويت سمك وانا اكره وقفه القلي تاخذ وقت وجهد

فتبلت السمك بالبهارات بعدين دهنت صينيه الفرن بالزيت وخليت الزيت شوي وافر يعني مومجرد دهن ولا اغرقها لا بس يكون كذا كل قطعه سمكه ملعقة صغيره زيت ادهنها بكل الجهات ومن ثم اخليه يطبخ بالفرن على نار متوسطه لحد ماينضج تحت واخليه يتحمر بالعين العلويه فوق

الطعم نفس المقلي واخف زيت واسهل يعني تدخلينه بالفرن وتروحين موتوقفين عنده

ونفس الحركه اسويها بالبطاطس ادهنها بزيت مع كل الجهات وتكون مقطعه اصابع مثل المقلي وادخلها تحت بعد ماتنضج اشويها فوق والطعم قريب من المقلي واحلى

عندي صينيه عشا سريعه دايم اسويها وهي تجيبين دجاجه وتنظفينها وتحطينها بصينيه تيفال وحطي كل بهاراتك وملح وفلفل وكاري واي خضار عندك انا احط بطاطس وكوسا وبصل وشرائح طماط وفلفل رومي وثوم وبقدونس وباذنجان وزهره واغطي الصينيه بالقصدير وادخلها الفرن من تحت 45دقيقه وبعدين من فووق عشر دقايق وبس تؤكل مع الخبز روعه جربيها 

البسبوسة سهله ولذيذة
التيراميسوا،، عموما الحلا البارد اللي يكون في صينية وحده تصفين بسكويت او كيك جاهز وخلطة الكريمة
لقيمات
دجاج بالفرن وخضرة
حلا الشعرية الباكستانية
هذا اللي يحضرني الحين

لا اله الا الله

الله يجزاكم خير ويوفقكم الكفتة سهلة افرمي كزبرة وحطيها مع اللحم المفروم وبهاراتك وشوي طحين
وكوريها وسطحيها ورتبيها في صينية وصبي عليها شوي ماي وصلصة طماطم لين تستوي وسوي رز ابيض تجنن وسريعه ولاتبي وقفة طويلة
مارشملو الله يجزاك خير انا احط معاها بيالة شاي ماي واغطيها بالقصدير انتي تسوينها بدون ماي ؟