ابغي اعرف ايحطون معاها طماطم صلصة او لا ومشكوريين

الخثرة

غسلي عيش ونقعيه بالماي من بدري يعني الصبح واتركيه
سمج ويفضل فيه لحم وايد مثل نقرور او البالول ينظف ويغسل بالخل وبعده تحمسين سمن وبصل مفروم ناعم مع ثوم وضيفي السمج والبهارات ومكعب ماجي الخضار ووحب الهيل والمسمار والملح وقلبيه شوي ثم ضيفي الماي دافي وخليه لحد مايستوي
طلعي السمج من الماي وشيلي الشوك والجلد وفتتيه بالشوكه
في جدر ثاني على النار حطي سمنه وبصله مفرومه وثوم مفروم واحمسي وضيفي معجون طماط ملعقه كبيرة او ثنتين ومكعب ماجي وقلبيه ثم ضيفي السمج المفتت واذا تحبين فلفل اخضر بارد مقطع كبار او حار كامل بدون تقطيع وحركي شوي لحد مايصير لون السمج برتقالي ................صفي العيش من الماي المنقوع فيه وحطيه فوق السمج وقلبيه حطي مشخال فوق الجدر وابدي حطي من ماي السمج اللي طبختيه لحد ما يغطي العيش ويزيد بكميه كبيره حركي العيش وخليه يختلط مع السمج ............لما يبدي يغلي وطي النار لحدماينشف الماي راح تشوفينه ملزق كانه عصيد هي الطبخه اصلها عيش مطبوخ بزيادة مهتري يعني ومخلوط بسمج ............بس لذيذه شهيتيني فيها لاني من زمان ماسويتها.................واي سؤال انا حاضرة تراني كبيره بالسن وخبيرة اطباق قديمه

وييييييييييي يزاك الله الف خير يا خويتي وعساك على القوة واذا ماعليك امر ابي طريقة الجريش ادري مصختها وعندي سؤال ما تحطون لوي اسود مطحون او عصير ليمون مثلا وشكرا