كيفك الحلواات ان شاء الله تمااااام ؟؟؟؟
حياكم الله غلى غدانا اليوم سويت المندي بس يطريقه غير انا ماراح اقول لكم على الطعم انتو شوفو واعطوني ارائكم والان اترككم مع الطريقه
ويلا بسم الله نبدأ :
اول شي جبت دجاجه ونزعت الجلد منها لاني مااحب الجلد ممكن تسونه بلجلد عادي وغسلتها وسلقتها مع بهارات المندي
وعقب مااستوت نزلتها وحطيت عليها شوي صبغه مع ملح وزبده عشان لاتكون ناشفه ودخلتها الفرن وحمرتها وجبت الرز بعد ماغسلته وحطيته بلقدر الي سلقت فيه الدجاجه
وبعد ماسلقته شخلته وخليته على جنب
ثم فرمت عشر حبات ثوم مع حبة فلفل رومي اخضر
قطعت شرائح بصل وحمرتها ثم اضفت لها الفلفل الي فرمته وحركتهم مع بعض لمده عشر دقايق
وسكرت النار عليه ..
بعدين تجيبي قدر وتحطي فيه الرز وفوقه الدجاج وتسوي فحم وتحطيه بفنجان قهوه في وسط القدر
وتحطي فوق الفحم شوي زبده عشان النهكه وشوفي الدخان كيف طالع
وبعدين غطي القدر زين وقبل لاتقدميه شيلي الدجاج من على الرز وضعيه على جنب وضعي فوق الرز الفلفل الي تحمر مع البصل وقلبيه مزبوط عشان يتلخبط مع الرز
وهذ الشكل النهائي للمندي الزيز
وسويت سلطه وفلفل حارر
غدوه بسيطه ولزيزه وهذا الشكل النهائي حياكم الله وبالعافيه على قلوبكم .......
ولاتحرموني من ردودكم الزينه ....
