طبعي الشين

بنات عندي اخت اصغر مني ب ٨ سنين عمرها ٢٠
احبها وأموت فيها واقطع نفسي لها والله ثم والله
اني اذا سافرنا كل فلوسي احطها لها بمطاعم وكافيهات
وأحبها
لكن فيني طبعين مو قادرت اتخلص منهم
الاول احس بغيره احيانا منها لان ابوي وامي
يفضلونها. خاصه امي تحبها ولا تشوف عيبها
وتجيب لها كل شي احيانا يوضح علي اني زعلت
او نغرت منها وأحيانًا تقدر اسيطر على نفسي
وبالنهاية لما اهداء اندم
اتركو الغيره امر طبيعي بين الخوات لما يصير فيه تفضل
زي مثلا الام تشتري لوحده جوال او ماركه اخر نوع
والثانيه لا شي طبيعي الثانيه بتقول ليش وانا ؟
هذا شي طبيعي
لكن فيني طبع شين شين وابكي بسببه هو مع الاغلب
طبعي هذا لكن بزياده مع اختي لان طول وقتي هي معي😭
انا انسانه اتنرفز واعصب واجرح من ابسط
شي ولما اعصب مارحم يعني مره كانت تعبانه
وعليها الدوره والطبخ عليها وجبرتها تسوي بحجه
انتي دورك اليوم !!
اليوم اصير فوق رأسها
او قوي نظفي او قومي يلا عليك الكنس
هي حتى طبعها معاي كدا
يعني مثلا هي تنظف المطبخ
تصير على راسي قوي اكنسي قومي مسحي يالله
بس هي بارده لكن انا حاره نار
كم مره تجلس اختي تصيح والسبب أسلوبي
وصراخي عليها
اقسم بالله بعد ماهدى احس كاني مسحوره !!
ماكاني انا لدرجه اضرب نفسي احيانا
انه ليش أعامل اختي كذا
ليش احط حرتي فيها ليش اعصب واصارخ عليها
هي عنيده وقويه وتاخذ حقها لكن بارده
أتمنى تصارخ علي
أتمنى تسوي زيي
انا صح عصبيه بس قسم بالله قسم بالله
ماحسها اختي
احسها بنتي لدرجه هي لما تبغى شي
ماتروح لامي تجي لي لما تشاور تجي تشاورني انا
حتى مواعيدها مستشفى وكذا تجيني انا تبيني اروح معها
لكن مثلا انا حاره
ماحب اشوف المكان وصخ
ماحب اشوف البيت حوسه
او صار عندنا عزيمه ماحب البرود
او مثلا عندنا طلعه احب كل شي جاهز بدري
هي عكسي تماما مايهمها يعني عندنا عزيمه
ماتهتم وش نحط وش نجيب كل شي علي
ماتصحى تلبس الا اذا خلصنا
يعني هي طبع بارد
ولما أشوفها كذا غصب اعصب عليها واصارخ
انه زي انتي ماتسوين شي كل سي علي ماتساعدين
او مثلا عندنا طلعه اجلس اعصب
انه اخرتينا كلن جاي الا حنا
انا عصبيه بشكل جنوني وحاره ابي كل شي بسرعه
هي العكس تماما لكن انا اللي اتعب نفسيا لما
اصارخ واعصب عليها لما اهدا اندم ندددددددم واصيح
والله ليه سويت فيها كذا هي طيبه وحبوبه
بس اللي يهديها بارده بارده بشكل مستفز وعجازه
اتكاليه تبي كل شي اسويه لها انا
ادري عادي كل الخوات يحصل بينهم كذا
لكن مابي انا يصير بقلبها شي علي مابي تكرهني
كيف اقدر اتخلص من هالطبع