طبعي الشين كيف أتخلص منه

بنات ساعدووووووووني
كيف اسبطر على نفسي وعلى غيرتي المريضه
انا متملكه وملكتي طولت بزياده بأسباب كورونا وأسباب ثانيه خطيبي يجنن اخلاق وكريم وكل شي فيه حلو
وهذا اللي يخليني أغار هو احلى مني
دايم احس بعقدة النقص لما اكلمه او شي
دايم دايم أراقب اشياء قديمه له بالانستقرام
والتويتر واسبب مشكله معاه بسبب كلمه او فولو
مسوي لوحده
لو تاخر مارد علي اعصب ولا ارتاح لما اتهاوش معه
لو شفت وحده مسويه له لايك
بالغلط جن جنوني ورحت تمشكلت معاه لما يعطيها
حظر سوا يعرفها او لا
تعبببببببت من الشك والغيره وانا لسى بالبدايه
المصيبه اني فجاه اطنقر يعني لما يجي بنفسيه
حلوه الولد في يحصل وحده مطنقره مايعرف سبب
النفسيه اللي فيني ايش ؟ولا يعرف ليش الطنقره
اقسم بالله مدري وش بسوي بعد الزواج
هو حتى انقرف ومل من المشاكل والهواش
كل يومين مستحيل نستمر اسبوع بدون مشكله
حتى هو قالي وين اللي يقولون الزواج حلو الزواج هم
من بدايته واضح
اقسم بالله مالومه لان صدق صدق أسلوبي
مستفز يعني تخيلو اطلع كلام وحده
بالانستقرام لها خمس سنين كاتبه له
او وحده مسوي لها فولو من سنين واطنقر
يجي يسولف ونفسيته حلوه وانا ماعطيه وجهه
ويبداء يسال وش فيك وكذا وأبداء المشكله
حتى مره غير حسابه بالسناب قالي انهم حظروه
بسبب برنامج بلس اللي محمله
وكذبته وقلت ماتبيني فيه عشان البنات اللي عندك
وبتحطني بسنابك الاحتياط انصدم من تفكيري
وحلف بالله الخالق انه صدق مخترق وصدق لما بحثت
عنه بجوال اهلي ماطلع لي اكتشفت انهم صدق
شركة السناب حاظرين حسابه ولا قدر يرجعه
بنات انا مابي اصير كذا
شك وغيره لكن نفسيتي بسرعه
تقلب واعصب واتنرفز لو على شي هو ماله دخل فيه
حسيت الولد صاير مايبي يكلمني يحاول يبعد
يعرفني ويعرف نفسيتي صار
لدرجه مره يتكلم لي عن خويه متزوج له سنتين
يقول من يوم تزوج وهو مانشوفه الا بالأسبوع مره
زوجته نفسيتها حلوه وتحبه !!
قلت وش عرفك عايش معهم
قال هو بنفسه قايل للعيال ان
المدام نسته اياكم بأسلوبها وحبها له
شرحت لصديقتي قالت لي لو استمريتي كذا
ترا بتكرهن الرجل فيك
ولو تزوجتي بيهج عن كل البيت بسبب طبعك
بنات تكفون وش اسوي والله اني اكره انا نفسي
اذا صرت كذا