طبعي غير..

السلام عليكم ورحمة الله وبركاته..

أخواتي وأمهاتي حبدأ بتعريف نفسي اولا وبعدها اشرحلكم اللي امر فيه

انا طالبه جامعيه عمري 23 سنه مني متزوجه بس النك عشان الاسماء عاجبتني انا البنت الكبيره حاليا في البيت عندي اخت متزوجه وطبعا مي عايشه معانا
في البيت في انا وامي وابويا واخواني كلهم اصغر مني 5 الله يحفظهم بنتين و3 اولاد
وحده من اخواتي اول سنه جامعه والثانيه 5ابتدائي
والاولاد اكبر 3ثنوي واصغرهم اولى متوسط

نجي في المهم ولب الموضوع
الموضوع ياحبيباتي اني انا مررره مررره مرره منظمه ومرتبه واحب الهدووء
احس انوساير كل شغل البيت عليا تعببت تعببت يابنات
اختي مااتحب تشتغل وطلبت انو هيا تمسك الصاله اللى جلستنا فيها زائد تكنيس البيت الاسياب وكدا
طيب قلت اوكي بس تخيلو ماتكنس الا كل 3 ايام متخييلين صالتنا 24 ساعه فيها وماشااءالله البيت مليان المفروض في اليوم مرتين تتكنس ولمن اقول لامي امي ترد يابنتي مافيني خلااص مافينني للمناحله معاها.
وانا مااحب كدا مااقدر اقعد فيها سرت اضطر احيان اكنسها
وانا الله يكرمكم ماسكه الحمامات وتعرفو كيف تنظيفها يكسر الظهر

وامي قالت خلو المطبخ عليا بس امي الله يهديها ويسعد قلبها ماتغسل المواعين والبتجاز اول باول ممكن يقعد يوم كامل وتتجمع صحون الغدا ع العشا والمطبخ يسير وضعو سيئ وانا مااتحمل اقوم انا انظف واغسل صح لمن امي تشوفني تدعيلي والله يابنات امي على عيني وراسي وينقطع لساني لو بقول عنها شي اخدمها يعيوني
بس انا اللي مضايقني انو امي مااتحب تكلم اخواني يساعدو يعني مايعتبرو صغار اقلها كل واحد يخلي اغراضو في غرفتو بالله اتخيلو معايا الوضع ماشاءالله كل واحد من يوم يرجع من المدرسه يفسخ جزمتو تكرمو في السيب والعيال يفسخو التياب ويرموها في الصاله والكتب مرميه ويلعبو كوره في البيت وبعد الغدا يتسدحو انا دي المناظر تججنني وامي ماشاءالله عليها ماتتكلم ولمن اقلها لازم يتقسم الشغل بيننا انا واختي يوم عليا المطبخ ويوم عليها والعيال يبطلو قربعه تزعل تقلي اللي بيساعدني يساعدني بنفسو من غير مااقول وانا ماباها تحس اني امن عليها لا والله ابدا بنات والله انا الحمدلله احب الشغل بس تعبت تخيلو بشتغل لي كم شخص المواعين فلم والحمامات كل شويا تتوسخ اخواني يقهرووو تخيلي تنظفي الحمام ماتمر ساعه تدخلي تلقي طبعه رجول مطينه في الارض مايلبسو شبشب ااااه ياقلبي بنااات انا تعبت والله مااكذب سرت اشتغل وابكي قهر في قلبي الموضو ع مررره مأزمني نفسي امي بس تخاصمههم انا لمن اكلمهم يتريقو يقولو سدي حلقك منتي امنا


بناات عارفة طولت عليكم بس من جد من جد الموضوع شااغلني متعبني كل يوم ابكي وادعي ربي والله لو امي وابويا لوحدهم على عيني وراااسي خدامه تحت رجولهم بس اخواني تصرفات تقهر همج مافي تقدير واحترام واختي كمان كملت المفروض تساعدني مو تزيد عليا

يابنات اهمل البيت واسوي اللي اقدر عليه مااضغط على نفسي والا كيف لاتنسو انا ادرس تعبت دراسه وشغل
سرت ادعي ربي انو اتزوج عشان اسوي فس بيتي زي ماابا يارب انك ترزقني وكل البنات ياكريم

بنات بس قولو انا وضعي طبيعي والا موسوسه بزياده