طبعي .. ونظرة الناس لي ..

السلام عليكم ياحوائيات ...

خواتي انا طبعي مو اجتماعيه وما احب اختلط بالناس وقليل اروح للعزايم وما اروح الا للقريبه ونادرا ما روح للعزايم الكبار واذا رحت طول الوقت ساكته وهادئه ما اعرف اختلط بالناس واخذ واعطي معهم واذا تكلمت بشيء بسيط وما يطول الحوار لكن من اتأقلم على الشخص انقلب وحده ثانيه اخذ واعطي وسواليف ومزح معه بس عيبي مو بالسهوله اتأقلم عليه اخذ فترة على ما اندمج معه وقبل فترة بسيطه اسولف انا وسلفتي وقالت لي تصدقين اول ماشفتك قلت هذي شكلها متكبره وتغيرة نظرتي لك يوم عرفتك وجلست معك ,,, فأكيد نظرة الناس لي كلهم مثلها يشوفوني متكبرة والله انه مو بيدي غصب علي حاولت اخذ واعطي مع الناس من اول ما اشوفهم لكن ما قدرت ما اعرف اسولف مع اي شخص غريب واخذ واعطي من اول ما اشوفه بسبب هالمشكله كرهت الجمعات الكبيرة وانعزلت عن الناس وعزلت بناتي معي وصارن ما يحبن الجمعات وما يعرفن الا اهل ابوهن واهلي والعزايم الصغيرة التي تكون بين اهلي واخواني واهل زوجي واخوانه اروح ما عندي مشكله لاني متعوده عليهم وغيرها ما اقدر

وش بيدي واسويه حتى اقدر اندمج مع الناس واخالطهم والعزايم من يقولي زوجي فيه عزيمه كبيرة على طول اشيل همها وهم الجمعه اغلب الاحيان ارفض اروح واحيانا يغصبني زوجي اروح