طبع جوزي

انا محتاجه اخد رأيكم في حاجه لاني حاسه اني بقيت مجنونه خلاص... انا زوجي ساب شغله من ٥ شهور و ملقاش شغل.. سافرنا بلد تانيه و حاليا بينزل يتدرب مع اخوه ف مقر عمله و اخوه هو مديره.. اخوه أصغر منه.. و كل م سأله ايه الاخبار اشتغلت ولا لسه يقولي لسه بتعرف ع سيستم المكان و اعرف الناس.. لحد م شدينا مع بعض بسبب ان جالي لغبطه ف العاده الشهريه و طلبت منه نروح نكشف و فعلا روحنا ع اساس اني هعمل سونار و تحليل ف الدكتوره معملتش حاجه و سألتني كام سؤال و خلاص و قالتلي ان ده ممكن يبقى لخبطه طبيعيه و بتحصل لكن لو عايزه تطمني خلينا نعمل تحاليل هرمونات و دم و كدة بس اعملي طلب و استنى الموافقه تيجي تعملي التحليل و مشينا و عدا كام يوم و كانت جت الموافقه و قالي يلا نعملها قولتله خلينا نستنى للشهر الجاي لو حصل نفس اللخبطه هروح قالي ليه مش عايزه تروحي و انا و الله كل اللي اقصده اني بخاف من حوار الدكاتره و التحاليل و فعلا بعيش ف توتر خصوصا اني بعيد عن اهلي و والدتي و مفيش حد معانا غير اخوه و هو كل كلامه انتي اللي طلبتي نكشف و رفضك ده غريب و انا والله م اقصد غير ان وارد تحصل اللخبطه دي شهر و الأمور تظبط تاني و قولتله ١٠٠ مره الشهر الجاي لو حصل تاني هروح اعملها.. راح ساكت و اخد موقف و اتضايق بسكوت كدة... الأمور اتطورت بسبب الموقف ده و شدينا ع اكتر من حاجه و اخوه أتدخل علشان يصلح بينا و اتفاجأ انه بيقولي انتي معيشاه ف توتر و بعدين هو مش، ملزم يديكي تقرير طالما ساتر بيته و بتاكلي و تشربي!! اقوله الحياه مش اكل و شرب بس يقولي افرضي هو مشتغلتش و مش هشتغل و راجل معاه فلوس.. هو حر مش لازم يشتغل.. اقوله ازاي في حاجه اسمها كدة يقولي هو مش ملزم يديكي تقرير و يقولك اشتغل ولا مشتغلش.. دي حاجه تخصه هو... هو انا مش المفروض اعرف لما جوزي يشتغل؟ مش المفروض اعرف بيشتغل ايه؟ و راح اتكلم ف موضوع التحاليل و يسألني ليه مش عايزه تروحي و انتوا اهو متجوزين بقالكم ٨ شهور و لسه مخلفتوش ايه المشكله انك تروحي تطمني و انا من غيظي قولتله احنا مبقلناش كتير اوي كدة و دي حاجه بتاعت ربنا و طالما كدة ليه ميروحش يحلل هو كمان قالي ايه رأيك انه راح حلل من ٣ شهور... و راح جوزي موريني صور التحاليل ع موبايله و قالي هو مقالكيش و مش ملزم يقولك علشان ميحرجكيش.. و هو تحاليله كويسه الحمد لله... و راح مكمل و قالي بعيدا عن الخلفه انتي من الاول طلبتي تكشفي ليه مش عايزه تكملي و فجأه كدة لا مش هعمل تحاليل... و بيقولي رفضك و اصرارك غريب... حد يفهمني هو اللي بيتقال ده طبيعي و الله الكلام حرق دمي و خلاني عايزه اقوم اخبط راسي في الحيط من كتر الاستفزاز.ملحوظه انا اللي خلاني كمان بالضغط ده انه اولا عنده مشكله ف العلاقه الخاصه من اول يوم جواز و روحنا الدكاتره كتير عالجنا حاجه و التانيه متكلمناش فيها اطلاقا (سرعه قذف) و كنت بتعامل عادي ع اساس اني معرفش و هو بيتعامل عادي جدا أكن مفيش حاجة و لما واجهته قالي انا سليم و مفيش اي حاجهالحاجه التانيه لما اتخطبنا كان جديد ف شغل بقاله ٦ شهور و بعد ٦ شهور خطوبه اترفد بتحقيق... قعد شهر ف البيت و راح شغل تاني قعد فيه ٥ شهور و بعدها اتجوزنا و بعد ٣ شهور اترفد بتحقيق برضو ووقف عن العمل... مبيعمرش في شغل و ده اللي مخوفني و انا مضغوطه غصب عني من كل ده و هو شايف اني لما اتكلمت ف كل ده اني بعايره و اني مش محترمه... افيدوني انا صح ولا غلط