طبع خالتي
صباح الخير بنات حواء
اطباع الناس تختلف واصعب طبع اللي يتكلم ومايهمه هذا يزعل او لا متفقين
طبع خالتي من هذا الطبع وانا العكس اخاف اجرح احد بكلمه لاني مااحب احد يجرحني
قبل اسبوع سافرنا عمره مع ام زوجي واخته
المواقف كثيره لكن باحكي عن العمره
طلعنا وصلنا المدينه ووبنزل نصلي العشا في مسجد وزوجي مصلي من بدري وجامع
وانا حست ببناتي قبل انزل وزوجي قالي خليهم معي وروحي صلي ورحت وخالتي وبنتها سبقوني
عاد رحت وصليت وزوجي اتصل ع جوال امه بعد فتره لان مامعي جوال نسيته وبعد الصلاه شافتني وسالتني عن البنات قلت مع ابوهن عطيني الجوال بتصل اشوفهم لو تشوفون عيونها من القهر اني حطيتهم عنده قالت عند ابوهم وش تبغين فيهم عاد كنت متاكده انها بتعصب وقمت وخليتها
وموقف ثاني قلنا بنروح السوق انا وزوجي
قامت تقول الناس يوم الجمعه تتعبد وانتو تروحون السوق وقام زوجي يتناقش معاها يقولها بنروح ونرجع للقيام وطال النقاش وزوجي تضايق من النقاش وبغى يغير رايه
وطبعا انا اتفرج واقول كم كلمه وبينت لها زعلي
وبعد بالمسجد النبوي قلت بغير ع بنتيورحت مع اخت زوجي الحمامات وهي تصلي وجينا الا هي تعصب ع بنتها عشان رحنا وخليناها طبعا لو فتحت السالفه معاي برد عليها ومااسكت بس مافتحتها بعد كذا وعندي بنت عمرها سنه مااقدر اصلي منها تروح وتجي
واول زواجي صارت مشكله بيني وببن زوجي وشفت منها شي يكفي لسنين قدام وجرحها لي قدام البنات
وقررت مااسكت بس طبعا مااتهاوش وقللت روحاتي لهم لكن من الطفش اروح لهم
ومره من المرات دخل اخو زوجي علينا فجاه مايدري ان فيها احد وحسيت اني انا اللي دخلت عليه وقلت له يدخل من قوة كلامها لي تقول انتي لو مستتره ومدري ايش
وتكرر هذا ااموقف وقدام الناس هاوشت
وطبعا لبسي عادي ماهو عاري حتى تتكلم
وانا ماارد عليها البس اللي ابي واعيش زي ماابي
ومواقف كثيره بنفس الطبع الصعب معاي ومع غيري ومع الناس
انا للحين ماجيتها لاني تعبت منها ودايما لما تصير مواقف كذا اظل فتره مااجيها
وصرت مااتكلم واسولف معها كثير اما اخوات زوجي مافيهم شي يزعل
ولحكم ان زوجي الكبير والمسؤل عنهم تكثر معها المواقف
مايهمها احد وتهاوش عادي قدام الناس احيانا
طبعا ماقدرت اتاقلم معه وماادري يمكن بعد سنين لما يتزوجن البنات اسكن عندها بس ان شالله مااسكن
لان البعد عنها راحه مع طبعا اكيد فيها وبحكم انها صديقة امي تقول لامي اي شي عني مو عاجبها ومرات تهاوش امي بدل ماتهاوشني
مااقول مافيها حسنات بس احس هذي المواقف تمحي كل شي زين لها
ياليتني عندي خاله طيبه
وقررت مااسافر معهم وزوجي ماعنده امكانيه يسفرني لحالي بسبب القرض يعني ممكن يسافرو وانا اجلس لما يسفرهم زوجي
15
5K
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
زي ماقالت الوان الورد السفرة الي مافيها راحة لاتروحين فيها روحي لحالك واذا مرة ولازم مع بعض تروح بسيارة لحالها مع عيالها الغير المتزوجين
وش اللي متفضلين عليك خير ان شاءالله كل اللي قلتيه كوم وهالكلمة كوم ثاني !!!! عمرك ماسافرتي ياختي وش يعني راح تموتين بدون سفر والا الدنيا بتوقف!!!! اقعدي ببيتك بس ولو ايش مايصير لا تروحين معاهم نهائياا
االواحة
•
للاسف يمكن اجلس بدون سفر وانا نفسي فيه اذا كذا ماعند زوجي امكانيه وهم يسافرون بفلوسهم يعني لولاهم ماسافرت وهذا فضلهم علي وهذا اللي مضايقني شكرا لك الوانللاسف يمكن اجلس بدون سفر وانا نفسي فيه اذا كذا ماعند زوجي امكانيه وهم يسافرون بفلوسهم يعني لولاهم...
عادي سبحان الله طبعها نفس امي زوجي الله يعفو عنها
خليك بارده معها وسوي ال براسك لاتناقشينها ولا شيء
مسكينة تغار والغيره مرض
أهم حاجة لا تناقشين زوجك ولا اتبينين انك زعلانة أو متضايقة منها. .إذ زوجك ناقشك قولي مسكينة مرآة كبيرة
وسافري معهم واستانسي. .اقهريها ابرودك. .ترا الصمت أكبر نعمة
خليك بارده معها وسوي ال براسك لاتناقشينها ولا شيء
مسكينة تغار والغيره مرض
أهم حاجة لا تناقشين زوجك ولا اتبينين انك زعلانة أو متضايقة منها. .إذ زوجك ناقشك قولي مسكينة مرآة كبيرة
وسافري معهم واستانسي. .اقهريها ابرودك. .ترا الصمت أكبر نعمة
والله اشوف خالتك عاديه وطبعها عادي بس انت ممكن من الناس اللي تحسس مره.. والله كل مواقفك معاها عاديه مثلها مثل كثير أمهات أزواج ولاترددينها ترا بتخسرينها وتكرهك خلها تكلم وتناقش ولدها ونت خلك بعيد كل أمهات الأزواج كذا ليه متعبدون ليه كل شوي السوق ليه خارجين اسمعي وطلعي من الأذن الثانيه وبالعكس بين انها طيبه وتنحب وعلى نياتها
الصفحة الأخيرة
وهذا اللي مضايقني
شكرا لك الوان