طبقت طريقة المشيقح من أمس شوفوا وش صار

السلام عليكم ورحمة الله وبركاته
امس بالصدفة وانا اتصفح بالنت شد انتباهي موضوع الشيخ
المشيقح وطريقته سبق وقرأتها من فترة طويلة بس ماطبقتها
للأسف وأمس بديت فيها ووالله ان الاكتئاب والضيقة
زادوا عندي والشيخ المشيقح يقول اذا حسيتوا بضيق
استمروا هذي بداية الفرج بإذن الله !!!
حتى الوسواس ازداد وسوسة الشيطان بأن الطريقة متعبة
وانها ماراح تفيد وأنا استمريت بإصرار طبقت كل اللي قال
عليه وهو اني اكون على :
1- أكون على وضوء وطهارة طول الوقت .
2- ترديد قول ( سبحان الله والحمدلله والله أكبر ولا إله
إلا الله ) أكثر من 50 مرة باليوم .
3- الصدقة ولو بريال واحد او إعطاء الفقير قاروة ماء
أو سقاية العصافير والحمام والقطط اوإماطة الأذى
عن الطريق أو حتى الابتسامه في وجه الاهل والناس ..
4- مدح الله عز وجل مثل قول ( لك الحمد يا الله على نعمك
التي لاتعد ولاتحصى ) ..
(لك الحمد حتى ترضى ولك الحمد اذا رضيت ولك الحمد بعد الرضى ) ..
( الحمدلله عدد حبات المطر ، الحمدلله عدد حبات الرمل
الحمدلله عدد اوراق الشجر ، الحمدلله عدد أمواج البحر ،
الحمدلله عدد ماخلق ، الحمد ملء السموات والاراضي )
...... وهكذا مدح الله بأي صيغة كانت ..
طبعا كثير من الناس طبقوا طريقته وماشاءالله تحققت امانيهم
ابحثوا بالنت عن التجارب بتلقون كثيرة التجارب .
امس كنت متضايقة مرررة بس بنفس الوقت متفائلة بأن
الله راح يشفيني مع هالطريقة ..
ترى الشيطان بيحاول قدر المستطاع انه يبعدكم
عن هالطريقة تجاهلوه اذا تبغون الشفاء من الله
ولاتستمعون لوسوسته
كل التجارب اللي قرأتها يقولون هالكلام بس ماشاءالله
عليهم تجاهلو الشيطان واستمروا .. وانا باستمر بإذن الله
والله يكتب لنا الشفاءالعاجل جميعا ..
ملاحظة :
انا استخدم خلطة القسط والقرفة والهيل كسعوط
واستنشاق وقت الضيقة ماشاءالله جدا فادتني ومرتاحة لها