طبقت فكره لاحد الاخوات العزيزات ... وشفو وش صار

يسعد الله مسأكم ياأخواتي .. الحبوبات
قبل فتره اتصفح وطحت على فكره جهنميه بصراحه اعجبتني لوحده مثلي عندها انواع الكسل والاحباط ...وقلت يابنت جربي مانتي خسرانه شئ ..
المهم الزبده ..
رحت للسوق ومع الفر والفرير وياالبزارين .. دخلت محل نكتار ( كل مره تصرعني ريحته ) .. وكان لى زمان او بالاحرى سنوات ماقبلت عليه ..وياحول انشب بحلق السوري .. واقوله ابي هالريحه عندكم .. وتراه هديه اذا ماعجبتني ابرجعها .. و...و
ويقول بقلبه هاذي هالحين تبي تاخذ كل الى بالمحل وطلعت بقاروره ذكرتني بحقت المناكير واخذت من بودي شوب الفواحه .. وطيران على حق الهدايا والقى ناس عنده واقعدت لمايخلصون وبدوعيالي يصحون وجاعو .. بس اختكم جباره
صبرت وعطيته اياه وقلت ابيك تغلفها هديه بس لاتحرص لانها لرجل .. ( زوجي العزيز ) وابطئ علينا ودق رجلى وقال وينكم وانا على اعصابي لا ينزل ويشوف المفأجئه وتخرب الدعوى .. بس ستر الله
ومشيناوانا متشققه من الوناسه ... وصلنا وقعت اشتغل لحد مانامو كلهم واخذت مفاتيح سيارته وحطيت الهديه ..
راح الحبيب للدوام وانا علطول نقزت للجوال وشغلته وقلت الحين يكلم والايرسل مسج .. صار الظهر ولا فيه اى بوادر .. طمنت روحي وقلت يمكنه يبي يشكرني لما يشوفني ...
تدرون وش صار
دخل علينا وكالعاده غير ملابسه .. وقالي الكلمه المعهوده لدينا .. هاتي الغداء وانا مطيره عيوني .. وقعدنا ناكل طبعا بصمت وبدون حوار وقعدت اغصص بالرز وعقلي بدا يودي ويجيب .. قلت مابدهاش اسئله وارتاح ..
هاه يابو فلان اعجبك الهديه ( هو كانه متفاجا ) هاه ايه ايه .. حلوه
انا ( كاني صادمتني تريله ) وشرايك بالريحه .. هو (بيرفع من معنوياتي الى صارت بالحضيض ) اوه واحد سئلن عنها وقلت انها هديه .. ( بديت اتنفس ) وكمل على بالطامه .. بس صدع راسي منها ..
وبدأ بعدها الاستجواب ( ليتي ساكته ) متى حطيتيه .. وبكم شريتيه..
وبعدها بدأ مايقولي تبين السوق !! اهي اهي اهي

عاد لكل قاعده شواذ .. كانت فكره رهيبه الله يجزاها خير الى ذكرتها ويوفقها انشالله ومازال البحث متواصل انتظرو جديدي ..