طبقت في روضه حكوميه وشفت العجب والفساد تعالوا انبهكم

السلام عليكم
ببدا موضوعي ب اختصار
شفت وحده كاتبه موضوع عن الروضه الحكوميه وتذكرت كذا شغله مهمه
من ابشع مديرات المدارس هم مديرات الروضات الحكوميه مستغلات بشكل يحتاجون سجن موبد
خلوني افهمكم الوضع من البدايه
الروضه تضم اكثر من مستوى عشان اسهلكم الموضوع
الروضه الحكوميه تضم اطفال من عمر 3ونص لين عمر5 سنوات وكل عمر له مستوى طبعا
بس بما انها روضه وليست حظانه شرطها للاطفال ال3 ونص وال4 سنين مايلبسون حفايظ الله يكرمك ممنوع لاوم يعرف للحمام
المهم
اي سعوديه موظفه وغير موظفه لها الحق في تسجيل ابنهااو ابنتها الروضه بجميع مستوياتها دام انها مستوفيه الشروط انه بدون حفاظه وطبعا وجود مقاعد
طبعا نجي للي اعمارهم 5 سنوات
دخلتي ولدك او بنتك5 سنوات السنه 6 يدخل المدرسه مادخلتيه تمهيدي يدخل بعمر 7
هذا القانون
نرجع لقانون النصب والاحتيال والتزوير في مديرات الروضه الي بلاذمه ولا ضمير
اولا الحكومه تدعم الروضات الحكوميه بمباني حكوميه مجهزه وتدعمهم بميزانيه سنويه بمبلغ50 الف
ثانيا سالفة الاولويه للمدرسات او الموظفات هذا كذب ولافيه تعميم ينص بهذا الشي هذا شي تداولوه مديرات المدارس لغرض سئ اعلمكم عنه الحين
ثالثا اذكركم من حق اي سعوديه تدخل طفلها الروضه من عمر3 وونص بدون اي شروط
بس الفساد الي حاصل بين مديرات المدارس الروضه يشيب الراس
بعد مافهمتكم السالفه خلونا نركز على الفساد
1 سبب انه يقولون ابناء الموظفات الاوليه هذا كذب لانها روضه وليست حضانه والحكومه لاقانونا ولا تعميما اقرت بهذا الشي بس السبب االي يخليهم يقولون كذا جايكم بالطريق بتموتون حررره مثلي
2 مثل ما ذكرت الحكومه تدعم روضات الحكوميه بمبلغ سنوي يعتبر جيد وكافي جميع مديرات المدارس يسجلون الاطفال الي يدفعون اكثر
طبعا ممنوع المديره تطلب مبلغ ريال واحد هذي مدرسه حكوميه ولكن اقل شي اقل شي تاخذ مبلغ 500 ريال هذا اقل شي تاخذه بدون وصل ولا سند تسميه تبرع او تقول ادفعي 500 نجيب لولدك قلامه ودفاتر تلوين وهي كذابه الحكومه داعمتها طبعا اقل شي500 انا الي شفته بمدرستي الي طبقا فيها هوايل وصلت للالاف
المهم
هم حريصات على المدراسات لانهم محتاجين يسجلون عيالهم وتدفع للمديره الفين ثلاثه اربعه بس الي غير موظفه ماتدفع الا 500
طبعا انسوا يسجلون احد بدون ما ياخذون فلوس
بس ةين تروح هالفلوس الله واعلم كلها بجيب المديره بدون وصل ولا سند من الاهالي
طبعا نزل تعميم من الوزاره لكثرة الشكاوي ممنوع اخذ من الاهالي مبالغ ماليه في مدارس حكوميه تشويه لصورة الحكومه لانه ببلاش
المديرات ركنو التعميم وصاروا يفاوضون لان لها الاحقيه برفض الطالب فالي مايدفع ترفضه
قدام عيني يجي طالب تقوله ترا لازم تبرع 1000 ريال قالت شلون هي روضه حكوميه،؟ قالت اي بس الحكومه ماتعطينا قلامه والوان لولدك وهي كذابه تقول مامعي تقول معليش مافي تسجيل
وقدام عيني تقول للاداريات اقبلو ابناء الموظفات لين خلاص ماتجينا ولا موظفه لانهم يعطون اكثر تاصل التبرع الاجباري ل4000 ريال للطفل حتا المعلمات يبتزونهم غصب
وحده زوجها يشتغل بالوزاره مسئول جت تسجل بنتها المديره ماتدري انه مسئول قالت ادفعي 3000 الاف لانها مدرسه الغير مدرسه تقول 1000
قالت ليه ادفع عليه وصل او سند؟ قالت لا بس تبرع قالت طيب مانب دافعه قالت مال ولدك مكان شاغر قالت والله ل اشتكيكم يالحرميه اقولك المديره خافت وسجلت ولدها ببلاش


ادخلو قوقل واكتبو الروضات الحكوميه والدفع الغير نظامي
حذروا ا الوزاره من الدفع المديرات حتا لو بحجة التبرع والتبليغ عن اي ابتزاز من مديرات الروضه لللاهالي
يس مازالو المديرات حراميات والله عي تستلم على كل طالب بجميع المستويات مبلغ وين توديه؟ والحكومه تعطيها سنويا50 وحتا لو ماعطتها الحكومه مافي قانون يجبر المواطن يدفع لمدرسه حكوميه
ابتزاز عيني عينك ظلم عيني عينك
والي يقهر الموجهات يدرون بس يقولون للمديره اهم شي لاتغصبينها ماتبي تدفع براحتها بس مو معناته ماتسجلينها هو تبرع
المديرات اتحداك تسجل وحده بلاش ما وراها شي ماتسجل
مره فصلنا مكتفي ومخلص التسجيل جونا 3 طلاب زاحمونا بالفصل وضايقتنا وتعدت النصاب المسموح لكل فصل بالتساوي تخيلو عشان كل طالب دفع 4000 ويوم جت الموجهه قالت ليه فصلكم زحمه شلون متعدين النصاب وس هالتسيب صرفتها المديره
ابتزاز
لو كل وحده وقفت بوجه المديره وقالت بشتكيك والله تخاف
حسبي الله
وترا كل مديرات الروضه كذا اسلوبهم بالسعوديه بلا استثناء


انا مره مقهوره على هالاسلوب