اليوم سويت طبقين شهيين السليق بالدجاج وفتة البطاطس
نبداء بالسليق بالدجاج
أول شي نقطع الدجاجه 4قطع ونسلقها مع اعواد قرفه وحبات هيل وقرنفل وملح واذا قاربت ع الأستواء نطلعها بصينيه
وندهنا بشوي زيت مخلوط مع قليل بهارات مسمنه وفلفل اسد وكركم وندخلها الفرن
وبهذي الاثناء نحضر كوب ونص ارز مصري ونغسله ونصفيه ونصفي المرق من البهارات ونضيف له كوب حليب وملعقة ماجي ابيض ونضيف الحليب ولما يغلي نهدي النار مع التحريك المستمر
تقريبا 40دقيقه
احنا نحبه ناشف شوي واذا كنتو تحبه لين بامكانكم زيادة المرق
وهنا الدجاج تحمر والطبخه استوت
وهنا اقرب
فتة البطاطس
4حبات بطاطس مكعبات ومقلي بالزيت صفيته من الزيت ثم بالصينيه
قطعت حبتين طماطم وشوي بقدونس وخلطتهم مع بعض واضفت لهم شوي خل وساويتهم على البطاطس
خلطت علبتين زبادي وملعقة مايونيز وملعقه ص خل بالمضرب اليدوي وايضآ ساويتهم على الطماطم والبقدونس
ورشيتهم بسماق
ثم حطيت عالوجه خبز محمص
وبهذا الشكل تقدم على طوول
إن شاءالله اعجبتكم الاطباق
ولكم الشكرر