انا ما اعرف الف ورق العنب . عشان جذي بتلاقون لفي ما ادري شلون صاير . مريض نفسياً :)
المهم هذا الصحن شوفوا ...
الطريقه بالصور
حشوه ورق العنب :
بصله مبشوره
عيش مصري مسلوق
ملح ـ فلفل اسود ـ كركم
شده من البقدونس او الكزبره
طماطه واحده
ثلاث ملاعق من الزيت .
وكله خلطته مع بعض وحشيت فيه ورق العنب .
الحين .. الجيب الجدر اللي راح اطبخ فيه
وقطعت فيه 2 بطاطا دوائر وخليتهم بالاسفل
صفيت ورق العنب على شكل دائره
واخلي الجدر
بالوقت نفسه اجيب جدر صغير و احط فيه ماء وواحده ماجي
واخليه يغلي عدل
بعدين اصبه فوق جدر ورق العنب ( هذا الماء يستخدم لطبخ ورق العنب )
و اسكر الجدر بمغطا صغيره و اخليه على نار عاليه
بالشكل هذا
شوي شوي راح يخف الماء شوفوا شلون يخف
بعدين ربع كوب من الزيت الزيتون ( لازم ) تحطونه على ورق العنب . و تعصرون عليه ليمونتين الى ثلاث ليمونات كاملين ( هذا حق اللي يحب الحامض حيل يكثر على كيفه انا احط عصير ليمون جاهز وطلع يهبل حااامض )
واسكر الجدر بمغطى مناسب كبيره واقصر على النار كثيييير
واخليه ربع ساعه عشان يدخل الطعم الحامض و الزيت لورق العنب
بالعافيه
ملاحظه : انا مسويه شوي يعني حوالي صف ونص من ورق العنب فقط .
ناخذ الباذنجان . و نطلع اللي داخله ننظفه
ونحطه في صحن عميق يكون فيه ماء وملح
ونخلي الباذنجان على الاقل 5 دقائق في الماء و الملح
ناخذ البانجان و نحشيه بالحشوة . ونسكر الباذنجان بقمع الباذذنجانه اللي قصيناه بالسابق
او من الممكن نسكر الباذنجانه بأننا نقطع واحده من الباذنجاانات مربعاات ونستخدمها لغلق الباذنجان
المهم . لا تخلون الباذنجان مفتوح عشان لا يطلع العيش للخارج
ونصف الباذنجان يكون مسدوح مو واقف ما يصير .
يعني مثل طريقه صف ورق العنب بشكل دائري ومتراص عشان لا يطلع العيش ويخرب .
ونجيب جدر ماء ونحط فيه ماجيه و ملعقتين من معجون الطماطم
ولما يغلي نصبه على الباذنجان
ونخلي الماء يغلي عدل . ونقصر على الباذنجان ونسكر الجدر عدل . ونخليه على نار هاااادئه جدا
يصير بالشكل هذا