اشحالكم بناات..
الصراحه هذي اول مشاركة لي ف منتدى الطبخ او ف منتدى حواء بشكل عام.
ظروفي وانشغالي بالدراسه ما تسمحلي ادخل النت كثير..
انا مو واايد اوكي بالطبخ بس اليوم جايبتلكم طبخه مرررره كشخه وفله من ابداع اناملي ان شاء الله تعجبكم فديت جلوبكم..
اخليكم معها..
*********************
المقادير:
للعجينه:
3 اكواب طحين
نص ملعقه صغيره خميره فوريه
ملعقة كبيره حليب بودره
ملعقة صغيره سكر
ذرة ملح
بيضه
وملعقه كبيره زيت
.......
مقادير الخلطه:
كوبين جبن سائل(انا استخدمت جبن بوك)
4 بيضات
2 علب قشطه
كوب شيره (سكر وماي عالنار من يغلظ شوي نطفي النار ونخليه )
***
الطريقه
نخلط مقادير العجينه كلهم ويا بعض بالترتيب من الجاف للسائل ونخلي العجينه تتخمر.
ومكونات الخليط نخلطهم مع بعض ف الخلاط مال الكيك( البيض وبعدين الجبن وبعدين القشطه والشيره) لين ما يصير خليط سائل اخف من سائل الكيك بواايد واخليه بالثلاجه لين تخمر العجينه.
من تتخمر العجينه نجيب طابه خشبي هنا استخدمت طابه اضافيه عندنا مال الخضار وخليتها لفرد العجينه حتى تعطيني شكل مستطيلي يناسب القالب اللي بحط فيه العجينه.
ادهن القالب بشوية زيت ومن اكون فارده العجينه اخليها داخل القالب وادخلها الفرن واكون مشغله النار من تحت فقط لين ما تستوي من تحت .
طبعا انا ما خليت الخليط فوق العجينه لانه اذا خليته مباشرة العجينه بترتفع فوق والخليط بينزل تحت ف طبقه طبقه سويته.
من يستوي من تحت اطلعه من الفرن واسكب نص الخليط فوقه بحيث اغطي القالب كله وادخله الفرن واشغل النار اللي فوق فقط وتكون النار اللي تحت مبندنها لانه بنتعامل مع النار اللي فوج فقط.
واطلعه من الفرن من الاحظ انه الخليط جمد فوج العجين وبعدها احط طبقة العجين الثانيه فوج وادخله الفرن لين ما يستوي من فوج ثم اطلعه واسكب الخليط فوجه ثم ارجعه الفرن لين يجمد ويستوي من فوق واطلعه.
(الخليط جامد)
وطعمه لذيييييييييذ جداا.
اتمنى يكون الطبق عجبكم.
شكلها لززززززززززززززززيزه