اليوم جبتلكم طبق صحي جدا وكثير منا يحب شي خفيف ومغذي.
طبق الخضار على الطريقة الآسيوية ، بصراحة إتعلمت الطريقة من شغالتي كانت لازم في الإسبوع تطبخه مره وعيالي كثير عجبهم ومنها تعلمت وصرت أطبخه
سويته عللا الغداء وقلت لازم أشاركه معاكم
المقادير:
بروكلي مقطع
قرنبيط مقطع
ملفوف مقطع شرائح
2 حبه جزر مقطعه دوائر 2 فص ثوم مقطع
ملح زيت نباتي.
الطريقة:
نحط الزيت يسخن شوي ونضيف الثوم نقلبه أقل من دقيقة وعلى طول نحط الملفوف نخليه يتقلب مع الثوم والزيت ونضيف الملح بعد خمس دقائق نضيف الجزر ونقلبهم نغطيهم شوي مشان يستوي بالبخار لما نحس الجزر صار طري والملفوف نضيف القرنبيط ونستمر بالتقليب ونغطي عليه لانه مافيه شي كل ينضج على البخار وكل شوي نقلبه ب مايتهرد لازم نحافظ على الخضار مثل ماهي اخر شي نضيف البروكلي ونقلبهم مع بعض. البروكلي مايحتاج نار كثيرة ويستوي بسرعه واهم شي يحتفظ بلونه الاخضر مشان الفائدة ماله لو طبخنا كثير ممكن يتغير لونه ونفقد معظم الفايتمينات لو حابين ممكن نضيف ربع كوب ماء أو مرق لو متوفربس مانكثر لانه الخضار بطلع موية. لو حبيته اضيفه حسب رغبتكم وممكن يكون من غيرها لانه الخضار لحالها طعمها حلو ونقفل عليه النار . انا قدمته مع الرز الأبيض ودجاج مقلي وبصراحه كان خفيف وحلو هنا وقت التقديم
