اخواتى العزيزات
:cook:الاكله دى طبعا معروفه جداااا ومشهوره فى مصر .
هى الكشرى فهى اكله بسيطه ولذيذه ومفيده وبعيده عن اللحمه والفراخ .اتمنى تعجبكوا.
طريقة الكشرى:
اطبخى الارز كالمعتاد (تغسليه وتضيفيله ماء وملح وبعد ما يستوى تسخنى الزيت قوى وتضعيه على الارز وتقلبيه.)
اسلقى المكرونه فى ماء وملح بسيط(اغلى ماء وملح واسقطى فيه المكرونه وسيبيها تغلى شويه وما تسوهاش اوى اوى .ثم صفيها )
اسلقى العدس بجبه فى ماء وملح وكمون الى ان يستوى وبارضوا ما تسوهوش اوى اوى خليه محتفظ بقوامه .
حضرى صلصة الكشرى كالأتى( حطى حبة زيت يعنى حوالى معلقة طعام زيت وحمري فيها فصين او ثلاثة ثوم مدقوق.ثم ضعى عليها الصلصه اول ما تبدأ تصفر.وبعدين حطى ملح وفلفل وشطه سيبيها تغلى حتى تكون ثقيله شويه)
البصل خرطيه خشن على ايديكى وهاتى زيت كتير واقليه فيه واول ما يبدأ يكون بنى انشليه من الزيت وحطيه على مناديل ورق قبل ما يتحرق وهتلاقيه نشف وصفى زيته.
لتحضير طبق الكشرى
حطى طبقة ارز ثم عدس ثم المكرونه ثم الصلصه ثم البصل
وبالهنا والشفا
نانا2009 @nana2009_1
عضوة
يلزم عليك تسجيل الدخول أولًا لكتابة تعليق.
مسك دارين
•
يم يم ألذ أكله تسلم ايدينك يا عسل
الصفحة الأخيرة