أهلا بكم عندي...:26:
انا اليوم عملت طبق عبارة عن لحم بالمشروم والتوابل...
ومعاه البطاطس المهروسة...
وسلطة فرايديز
المقادير
(اللحم بالمشروم)...
لحم يفضل الفيليه...يقطع شرائح رفيعة(الكمية تكفي شخصين)
ثلاث بصلات صغيرات
علبة مشروم معلب
معلقة بابريكا
معلقة من البهارات السبع
معلقة صغيرة صلصة طماطم
معلقتين صويا صوص
ربع معلقة خل بلسميك
مكعب مرقة لحم
عصير ليمونة واحدة (الليمون في مصر صغير)
معلقة ماسترد
ملح-فلفل
زيت زيتون
الطريقة
نسخن المقلاة على نار حامية ونضيف زيت الزيتون وبمجرد مايسخن نحط البصل(مقطع جوانح اي بالطول)...
لما يبدأ يدبل ويصبح شفاف نضيف اللحم المقطع شرايح ونقلبه شوية ونخفف النار قليلا حتى يتغير لونه للبني الفاتح..
نضيف المشروم...
نبدأ نضيف التوابل..(البابريكا-التوابل السبع-الملح والفلفل-الخل- صلصة الطماطم- الصويا صوص- مرقة اللحم(نفتتها بأيدينا ونرشها على اللحم))...
نخفف النار عليه تماما ونضيف ماء بحيث يغطيه...
وكل شوي نشوف اللحم بمجرد مايستوي نرفع الغطا ونعلي النار...
لما نحس ان المااء نشف نضيف الماسترد واخر شيئ الليمون....
ونطفي عليه...
البطاطس المهروسة بالجبنة والسلامي
المكونات
كمية بطاطس زي ماتحبي
جبنة شيدر مبشورة
كريمة سائلة
ملح-فلفل- بابريكا
زبدة سايلة
سلامي (مقطع قطع صغيرة ومحمر في رشة زبدة لحد ما يتقرمش)
بصل اخضر
الطريقة
ننظف البطاطس كويس ونحطها في مياه على النار تتسلق
لما يتم سلقها كويس نطفي علييها ونحطها في مياة باردة ونبدأ تقشيرها
نهرسها بالشوكة او الهراسة(ماتستخدموا الكهربائية عشان ما تمط معاكم البطاطس)
نضيف لها الزبدة ونقلب
نضيف الكريمة بالكمية اللي تناسبك لحد ما تلاقي القوام اللي تحبيه
نرش الملح والفلفل والبابريكا
نضعها في طبق التقديم بس يكون مقاوم للحرارة عشان هندخله الفرن
نضع فوقه الجبنة الشيدر ويدخل الفرن ونولع الشواية عشان تسيح الجبنة ويتحمر وجهه
بعدها نخرج الطبق ونضيف السلامي والبصل الأخضر على الوجه...
وهاهو الطبق
السلطة فرايديز
الحقيقة السلطة انا اكلتها في فرايديز هي حلوة قوي...
المكونات
خس مقطع قطع كبيرة
جزر مبشور
فجل احمر مبشور
ذرة
دجاج بوب كورن(محمر)
الصلصة
كوب زبادي
كوب مايونيز
الطريقة
نخلط الخس مع الجزر والفجل ونصبهم في طبق التقديم
نضع الدجاج والذرة على الوجه
نصب الصلصة عليهم
نزينهم بالطماطم
معلش الصلصة غطت على كل المكونات بس صدقوني طريقتها سهلة وبسيطة جدا وهتعجبكم
وبالهنا والشفا
ياريت ماتكسفوني وتردوا علي
