السلام عليكم ورحمة الله وبركاته
هذا أول موضوع لي في المنتدى ,,
بس انا من المتابعيين لـ المنتدى من فتره طويله .. لكن ما اشارك ^_^
واترددت وايد اني انزل الموضوع لأني ماعندي التطبيق بالصور ..
بس من زود ما هالاكله حلوه وسهله وخفيفه .. حبيت اني اشاركم فيها
وحاولت ادور في النت عن صور قريبه لـ للأشيا اللي أبي استخدمها عشان تفتح لكم نفسيتكم وتتشجعون في قرأت الموضوع
المقادير
بيضتين
ذرة ملح
ذرة فلفل
كريمة خفق
جبن موزريلا مبشور
زبدة الثوم
صمون أو سليس
---
نستخدم هذي الاوعيه الصغيره للفرن
نكسر البيضتين في القالب بدون لا نخلطهم
نحط عليهم ملح وفلفل
وبعدها نحط عليهم كريمة خفق بـ مقدار ربع كوب
ونحط عليها جبنة الموزريلا الى ان نغطي الكريمه
وبعدها نضع في الوسط زبدة الثوم بـ مقدار ملعقة شاي
وهذي الكميه أكيد حق قالب واحد .. وانتي بتسوين اكثر من قالب ..
بعدها .. جيبي صينية فرن وصفي القوالب كلها وجيبي ماي ساخن وصبيه في الصينيه الى ان يصل لـ نص القوالب او شوي اعلى
وحطيها في الفرن حوالي 15 دقيقه حتى ينضج البيض وتتماسك الكريمة شوي ويسيح الجبن والزبده ..
تنأكل هالأكله وهي حاره مع الصمون او السليس المحمص ..
والصراحه من ألذ ما يكون
جربوها وقولولي النتايج
في انتظاركم
والسموحة اذا طولت عليكم ^_^
ان شالله تعجبكم الطريقه
مع السلامه وربي يحفظكم
^
^
صور الأخت زهرة النوير لتطبيقها للبيض
هنـــــا
المشرفة
إماراتية_الكويت @amaraty_alkoyt
عضوة جديدة
يلزم عليك تسجيل الدخول أولًا لكتابة تعليق.
عذبه الصوت
•
تسلمين على الطريقه شكلها حللللللللللو وجديده وانا بضيف شويه بقدونس احبه يطلع شي
كان عندي أمل انه حد بيرد على موضوعي ^_^
نورتي الموضوع الغاليه
سويها وورينا تطبيقج ^_^
لج كل الشكر على المرور الطيب
لاعدمناه يا ربي
سلمتي
نورتي الموضوع الغاليه
سويها وورينا تطبيقج ^_^
لج كل الشكر على المرور الطيب
لاعدمناه يا ربي
سلمتي
الله ايعافيج الغاليه
في انتظاارج بعد التطبيق ^_^
ولج كل الشكر على المرور الطيب ..
لا هنتي
لا خلا ولا عدم
في انتظاارج بعد التطبيق ^_^
ولج كل الشكر على المرور الطيب ..
لا هنتي
لا خلا ولا عدم
الصفحة الأخيرة