السلام عليكم ورحمة الله وبركاته
حبيت أنزلكم أكله من تايلند جربتها إليوم وطلعت يمي يمي
أولاً المقادير متل ما هو باين بالصوره
بصل مفروم ناعم...توم وزنجبيل مبشور.....أي خضره إنت بتفضليها مقطعه شرائح أنا حطيت فلفل لونين ونوع من أنواع البينز بكون متل البازيلا بس بذوره صغيره جداً........شرائح لحم ستيك ......ملعقتين معجون كاري أحمر.....وعلبة حليب جوز الهند.....ملح ورشة كمون.....زيت زيتون وعصرت ليمونه
بنحط زيت الزيتون على حراره متوسطه وبس يسخن ضيفي البصل والتوم والزنجبيل خليهم يتشوحو شوي
ضيفي اللحمه وخليها لتنشف ميتها
ضيفي الخضره وخليها تطبخ شوي بس تدبل يعني مش كتير
ضيفي ملعقتين الكاري وحركي
ضيفي علبة حليب الجوز هند وحركي
خليها عنار هاديه تتسبك 10 دقايق
ضيفي عصرة ليمونه وقدميها مع رز وصحتين وعافيه :)
طبق رائع ومشهي
تسلم الأيادي يارب
الله يعطيك العافيه