طبق دجاج احترت شو اسميه

السلام عليكم ياطبخات حواء ,,

شوفوا ياحبيباتي ,,

هذا أول طبق انزله في القسم لاتكسرون خاطري وشجعوني علشان اصقل الموهبه :22:
بصراحه لأن الطبق هذا تأليف احترت شو اسميه المهم انا بقولكم الطريقه ,,

هذا طبقي المتواضع والبسيط




الطريقة والمقادير

الدجاج :

1- تقطع الدجاجه لـ8 قطع وتترك في الملح 10دقائق ثم تغسل
يضاف لها (( 2 عصير ليمون , 2ملعقه مسترده , 2 ملعقة مايونير , 2فص ثوم , 2/1 كوب ماء
قليل من الملح والفلفل الاسود والفلفل الاحمر ))
2- مشروم
3- سبانخ
4- كريمة المراعي

1- تترك الدجاجه مع تتبيلتها على نار هاديه الي ان يجف ماؤها
2- بتلاحظين ان المسترد والمايزنير خلوا بقايا زيت في الوعاء لاترمينه ضيفي عليه البصل والمشروم وقلبي لين مايستوي في نفس الوقت بتكونين قلتي الدجاج معاهم ,,
3- ضيفي السبانخ 2/1 كيس وخليه لما يسيح في بعض
4- ضيفي كريما المراعي حجم صغير ثلاث ارباعها لحد مايتجانس وارفعيه عن النار

خلصنا الدجاج اوكي ؟!

الحين العيش "الرز " ,,

تحمرين شويه شعيريه بدون زيت في قدر بمجرد يتغير لونها تضيفين الماء وقليل من الزيت ومن ثم تحطين العيش "الرز" انا استخدمت انكل بنز ,, وبس تسكرينه


وهاي صورة الطبق من زاوية ثانيه





ان شاء الله يعجبكم وتراه طعمه خيال صدق والله مب مدح في نفسي :42: