صراحه انا من زمان ماشاركت فرجاء لحد يفشلني وشجعوني عندي طبق جربته روووووووعه للعشاء
اتمنى يعجبكم واذا لقيت التشجيع باحط طبق ثاني احلى وخاااااااااااااص جدا جدا جدا ((بس الصور ماتعطيه حقه اسمحو لي لان التصوير مب ذاك الزوك :( تبون الصج كنت جوعانه ومستعجله عليه:42: ))
مانبي انطول عليكم
دجاج سكالوب بالصوص
المقادير
قطع دجاج سكالوب
بقصم + بيض للتغليف
ويبنج كريم
بطاطا مطبوخه ومهروسه
بصل + مشروم + فلفل بارد
جبن شيدر
الطريقه
بعد هرس البطاط يضاف ملعقه او اثنتين ((حسب الكميه )) جبن كرافت كاسات + ملح
نقلي السكالوب بعد وضعه في البيض والسماق
نحمس البصل والمشروم والفلفل ثم يضاف الملح والفلفل الأسود ثم تضاف الكريمه على الاخر و خليه يطبخ اشوي بس
نصب الخلطه في بايركس ونضع عليه السكالوب المقلي وبجانبه نضع كورتين بطاطا ونرش البطاطا بشرائح جبن شيدر خفيفه
ونغطيه بالالمنيوم وندخله الفرن لاذابة الجبن فقط
