طبق رز للعشاء مع الصوره تفضلوااااا

صباح الخير ياطباخات عالم حواء :cook:
اليوم احترت شسوى عشا فقلت اخترع طبق اتمنى يعجبكم
سويت رز مع صحن مقبلات
المقادير
رزمصرى مغسول ومنقع –ملفوف( كرنب ) انا استخدمت اللى لونه بنفسجى مقطع شرايح صغيره
بصله مقطعه – شعيريه – شوى ماء ورد منقع فيه زعفران –
للزينه خس - حبه صغيره بصل ابيض - طماطه صغيره مقطعه – مخلل خيار - حبه زيتون
الطريقه :
اقطع بصله واقلبها بقدر بدون زيت لين تصير بنيه وارش عليها شويه ماى وبعد ماينشف ارش على البصل شويه زيت واقلبه مع بعض واضع فوق البصل ملفوف انا استخدمت الملفوف البنفسجى واقلبه مع البصل لين يذبل واضيف عليه رز مصرى مغسول ومنقع
واخليه يتحمر مع البصل والملفوف وياخذ لون الحمسه
واكون محمره شويه شعيريه بدون زيت واضيفها على الرز واقلبها واضيف ملح وكم حبه من الهيل وفلفل اسود حب وعود دارسين واضيف ماء على الرز يغطى الرز واخليه يطبخ واذا بدا ينشف الرز ارش على الوجه ماء الورد والزعفران واخلى الرز يتسبك عشان يصير مفلفل
ولمن خلص الرز زينت الصحن بورق خس وحطيت الرز فوقه وزينت الوجه بشرايح من البصل الابيض سويته على شكل دائره بوسط الصحن وحطيت بوسط الدائره طماط مقطع مع مخلل خيار واضفت حبه زيتونه بنهايه التزيين طبعا التزيين انتى وذوقج وبالعافيه
وسويت مع الرز صحن مقبلات منوع
حمرت شويه ربيان بشويه زيت واضفت له حبه ماجى وقلبته مع الربيان و اخر شى اضفت كريمه وشويه كزبره وخليته يتسبك على نار هاديه لمده 5 دقايق

وبعد سويت روب بالنعناع المجفف وخضار سوتيه انا سويت خضار مجمده حمرتها بقطعه زبده وسويت سوس مكون من مايونيز وكاتشب ومسترده ( خردل ) ومثل ماشفتوا بالصوره هذا عشاى واتمنى يعجبكم :22: