ومابي اطول الكلام وايد
طبقنا جدا لذيذ وسهل وسريع وطعمه عجييييييييييييب
اول شي المقادير:-
بطاط الحجم الميني(البوتيتو)
ملح وفلفل اسود
كزبره وكمون(حب أي غير مطحونين) يعني على عدالهم
شبنت طازج مفروم فرم نااااااعم
ثوووووم مهروس
الطريقه
اول شي تغسلون البطاط عدل اكثر من مره عشان نبي نسلقه ويا قشوره
بعد مانغسله عدل نقطع البطاط بالنص ونحطه بماي مغلي ونسلقه نص سلقه ماياخذ وقت ابد
ثاني شي بعد ماسلقنا البطاط نص سلقه نييب تاوه فيها زيت غزير ونحط فيه البطاط ونقليييييييه لحد مايستوي واول مانطلع نملحه(نحط الملح) والفلفل الاسود ونخليه على المشخال عشان ينزل الدهن الباقي
في هذه الاثناء تيبين تاوه تحطين فيها زيت شويه وتالي تحطين الكمون والكمون الحب وتحمسينهم عشان تطلع الريحه وبعدها نحط الثوم وانتي وراحتج وكل ماكثرتي الثوم طلع حلو ونحط فوقهم البطاط ونقلب ونحط اخر شي الشبنت ونقلب قلبتين ونصكره ويكون جاهز وهذا شكله
ترا ريحته عجييييييييييبه وطعمه احلى
تصويري الخاص
وابي رايكم؟
الله تسلم ايديك حبيبتى مشكورة وانا اخدت الصحن بما انى اول وحدة ترد:hahaha: