طبق لذيذ وسريع

احلى صينية شاورما ممكن تذوقونها طبعاً شاورما بالخضار لذيذه وسهله
الي نحتاجه
١-صدور دجاج مقطع وسط
٢-بطاطس مقطع دوائر
٣-باذنجان برضو مقطع دوائر
٤- فلفل بارد مقطع شرايح
اذا حابه تزيدين خضار زي الكوسه والجزر براحتك
الطريقه:
قبل تبدين قلي تبلي الدجاج بزبادي وبهارات وشوية ليمون واهمشي الفلفل الاسود حطيه بثلاجه لين ماتخلصين الخضار
تقلين الخضار او تحطينها بالقلايه الهوائيه او الفرن اذا حابه بدون زيت وشي صحي
تحطين بالمقلاه شوية زيت وبصل مقطع صغار وثمَ تحطين الدجاج عليه الي تبلتيه وحركيه لين ينشف تماماً
بعدين جيبي صينيه وصفي البطاطس ثم الباذنجان والفلفل البارد بعدين حطي الدجاج
واخيراً واخراً الصوص هو اساس الطعم والذاذه تحطين قشطه علبه و٣ ملاعق كبار جبن سايل وملعقه مايونيز ورشة فلفل اسود ثم تحطين نص فنجال مويه وحركيها لين ماتحسين شوي سايله مو مره وصبيها فوق الدجاج ووزعيه وحطيه بالفرن من فوق اهمشي لاتخلينه يحمر بزياده عشان ماينشف الصوص وبالعافيه ي حلواتي
لاتنسوني من دعواتكم❤️❤️.