السلام عليكم ورحمة الله وبركاته
اليوم جبت لكم أكلة كتير كتير كتير كتير طيبة
الأكلة هذي بسيطة كتير وسهلة ولذيذة وخفيفة لكل من لا يطيق تحمل مرقة البندورة
بسم الله نبدأ
نقيس حجم الكوساية بالمحفارة
حتى لا ندخل المحفارة زيادة فتثقب الكوساية خخخخخ<<سوريه على غفله
وبعدين ندخل المحفارة شوي شوي وندورها بنفس الوقت
ونظل ندور الكوسا ونحفره لحتى نحس أنه صارت الكوساية محفورة بشكل مطلوب
لا كتير لسه مليانة لب الكوسا ولا كثير محفورة
بعد ذلك نقوم بتحضير الحشوة:
وكل ذلك اختياري حسب الطلب
يعني فيه ناس بيحبوا اللحمة زيادة بالحشوة
المهم أنا بعمل لكل كيلو كوسا كاسة رز
طبعاً لازم تعرفي كم كيلو الكوسا اللي عندك من لما تشتريه من السوبر ماركت
نضع الرز ننقعه فترة نصف ساعة تقريباً
ثم نصفيه نضيف له اللحمة ثم البهارات والملح طبعاًّ
فيه ناس بتحط للحشوة عصفر بس أنا ما بحبه كتير
بهارات
بعد تزبيط الحشوة
نقوم بحشي الكوسا وطبعاً الطريقة ما بدها اختراع بس راح أذكرها
في حال كان هناك اخوات لساه جدد على طريق الطبخ
نمسك الكوساية وفمها لفوق نحمل قليل من الحشوة بيدينا ثم نضغط داخل الكوساية برفق
وندخل طرف اصبعنا كلما وضعنا حشوة داخل الكوساية
وهكذا حتى نترك مجالاً فارغاً لسلامتين من الاصبع داخل الكوساية
وبعد أن ننتهي من حشي كل الكوسا
نكون قد حضرنا على النار ماء مغلي فيه ملح
نسقط الكوسا المحشي بالماء شوي شوي
ونغطي القدر بغطائها ونقوم بتحديد مدة نصف ساعة تقريباً
كل واحدة تعرف عيار الغاز عندها وقوته وسرعته والمدة اللازمة للطهو عليه
نكون قد حضرنا في خلاط الطعام
- لبن رائب (الكمية حسب الرغبة وحسب كمية الكوسا)
أنا وضعت لاثنين كيلو كوسا كاستين لبن مثلاً
- ثوم غير مدقوق
(الكمية اختيارية حسب اللي بيحب الثوم كثير ولا قليل)
- كزبرة يابسة
أحياناً تكون حبوب وتحتاج لطحن شبه ناعم
- ملح
- طحينية سائلة وهي سر الخلطة والطعم بعدين
صحيح هي اختيارية ولكن عند اضافتها تضفي نكهة خفيفة ناعمة على اللبن لما يستوي مع الكوسا
جربوها وما رح تندموا على اضافتها
- وطبعاً نشاء مثلاً لكل كاسة لبن ملعقة طعام كبيرة فيها نشاء
هذي أول صورة لتوضيح لكم المكونات قبل خلطها
وكنت قد نسيت شيء آخر وهو وضع النشاء فاضطررت بعد خلط المقادير وتذكري للنشاء إضافته
طبعاً أنتم فيكم تحطوهم كلهم مع بعض وتخلطوا مرة واحدة
بعد ذلك نسكب الجميع في قدرعلى النار ومعهم القليل من الماء
نزيد الماء حسب حاجتنا إن وجدنا اللبن جامد شوي نضيف لبن
ونحرك باستمرار حتى نرى بأن اللبن قد استوى
يعني يصير يلصق بخلفية الملعقة كمية لبن تغطي خلفية الملعقة كاملة
وطبعاً بالتذوق نعرف إذا استوى اللبن أم لا
بعد أن يستوي الكوسا نخرجهم من الماء المغلي
ونضعهم باللبن ونقلبهم مع اللبن لمدة خمس دقائق على نار هادئة حتى لا يلتصق اللبن بقعر القدر...
يتم سكب الكوسا مع اللبن في وعاء للتقديم ويمكن تزينه بقليل من الكزبرة الخضراء المفرومة والصنوبر وهو اختياري كمان
وصحتين وعافية.................
يم ممممممممممم لذيذه ........
مررررررررررره شكلها مشهي
جاري التنفيذ ان شاءالله