السلام عليكم
سويت طبق معكرونة بالتونة وطلع وايد لذيذ قلت اخبركم عنه
المقادير والطريقة
نسلق كيس معكرونة مع الماء وملح
نجهز التونة /
في مقلاة نحط بصل مقطع ونشوحه شوي ثم ثوم مفروم ناعم
نضع فلفل رومي مقطع وطماطة مقطعة صغير
يترك مغطي ليستوى شوي
ثم نضع فلفل اسود ناعم وملح , وبزار ريحته حلوة ( انا استخدم بزار مأخذته من عند حرمة تسويه بالبيت بس طعمه بالاكل رهيب )
ممكن تضيفين البهارات اللى تبغيها ثم اضع علبتين تونه المفتتة بعد ازالة شوي من الزيت اللي فيها واتركه على نار هادية 3 دقائق
في هالوقت نجهز الكريما للوجه
نشغل الفرن فوق وتحت
لما تجهز التونة نحضر صينية البايركس ونحط ملعقة زيت زيتون او زيت ذرة
في وعاء كبير نضع المعكرونة ونصب عليها خلطة التونة ونخلطهم زين ثم نصب المعكرونة في البايركس ثم يصب عليها الكريما ويساوى سطحها ونضعها في الفرن الحار لغاية ما تتحمر من فوف وتحت بس لا تحترق
الكريما
في وعاء نخلط 2 علبة قشطة ممكن واحد , و2 ملعقة جبن سائل , 2 ملعقة مايونيز , شوية ماي اذا حبيتيه خفيف
مرة سويت بالدجاج ومرة باللحم ضفت للكريما جبن شيدر ومرة ضفت موزريلا
وكانت لذيذة
بالعافية عليكم
waham222222 @waham222222
عضوة جديدة
يلزم عليك تسجيل الدخول أولًا لكتابة تعليق.
سبيشل مول
•
يسلموووو
يسلموووووو حياتي روووعه بسويها لزوجي لانو يحب المكرونه ويحب التجديد فيها جزاكي الله خير قلبوشه
الصفحة الأخيرة