طبيب اطفال يداوم اخر الليل؟

بسم الله عليه تعطينه بخار والا وش مشكلته ؟؟
شوفي المراكز الصحيه للأطفال دوامهم 24 ساعه ..
أما دكتور يداوم لاخر الليل ماظن تلاقين يالغلا الا ان كان عن طريق الاسعاف
مايشوف شر

المهمومه الله يعافيك على الرد محد عبرني غيرك
ياقلبي عمره ٨ شهور وقبل يومين معه حراره والحين خفت الحمدلله لكن وجهه فيه بقع حمرا من امس ولاوديته قلت ان شاءالله تخف لاكن احسها زادت وطلعت برقبته وكتوفه وبس يبي ينام ووبديت اوسوس صراحه ولاودي اصبر لبكرى خايفه
وبالنسبه للأسعاف ماراح يعطوني وجه اذا شافوه مافيه حراره

شوفي حبيبتي انا ماشاءالله عندي خمسه يعني عندي خبرة طبيعي يبقع جسمه اذا كانت حرارته عاليه وهذي من اثار الحرارة يعني تطمني ولاتخافين يمكن تقعد 3او 4ايام بس عشان تتطنين وترتاحين اكثر وديه للمركز الصحي تبع حيكم وماراح يردونك ان شاء الله انا دايم اودي عيالي هههه حتى بدون مايكون فيهم حراره ..

الله يطمن بالك
المركز الصحي يسكر العصر مايفتح الليل
مادري وش قصدك؟

امين
انا والله توني ناقله للرياض مالي 6شهور ولا أدري عن نظامباقي المراكز الحكوميه بس أنا ساكنه بالسليمانيه
والمركز الصحي تبع العليا والسليمانيه يفتح 24 ساعة اذا تقدرين روحي له