اختي نوف الله يطمن قلبك ويخليكي لعيالك ويخليهم لك

انا اسفة اختي توي اشوف الرد ........اما كم بات فهو طلع في اليوم الثاني ....التكلفة ما اعرف
الدكتور جنسيته بريطاني واصله سوداني ......يشتغل في المملكه ومستشفى الملك فيصل التخصصي....

شاكره لك مرورك الطيب

أختي إذا أنتي من الرياض لاتعدين مستشفى الملك عبدالعزيز الجامعي ممتاز جدا للوز
عن تجربه
وليس وحدي بل الكثير تراهم مشهورين بالعملية هذي

عزيزتي انا سويت العمليه لبنتي وكان عمرها أربع سنوات (عملية اللوز واللحميه )في مركز الحبيب عند الدكتور العمار وهو سعودي وماشاء الله عليه ممتاز جداً والعمليه تستغرق تقريباً ثلث ساعه وهي سهله وأنا مثلك كنت متخوفه جداً لكن يوم سويتها لبنتي والله حسيت بفرق كبير ولله الحمد والعمليه من عمليات اليوم الواحد يعني سويتها الساعه 12الظهر وطلعنا في الليل وإذا تبين تتنوم أيضاً مافيه مانع وكان الدكتور قايل لي أن بنتي أول يوم وثاني يوم ماراح تحس بالألم لكن اليوم الثالث بيبدأالألم وبعد عشره أيام ماراح تحس بالألم وفعلاً كلامه سليم وطبعاً مع العلاج مارح تحس بالألم وكان العلاج عباره عن فيفادول8مل كل 6ساعات وأموكسيل3مل كل 8ساعات وتحاميل فولتارين كل 8ساعات والحمد لله مجرد عشرة أيام وبنتي تمام وعلى فكره ترى الصوت بيتغير تماماً بيطلع صغينون وش حلوه وبعض الحروف نطقها بيصير نكته بس لا يهمك فتره مؤقته ويرجع .معليش طولت عليك بس وش أسوي أنا ماره بإحساسك وحبيت أفيدك وعلى فكره بنفس اليوم كانت بنت زميلتي مسويه عملية قلب وكل ماتذكرتها حمدت ربي إن بنتي مجرد لوز ولله الحمد وأي سؤال أنا جاهزه .