بسم الله الرحمن الرحيم هذي اول مشاركه لي بهذا الصرح الشامخ واتشرف بتواجدي بينكم واول شئ السلام عليكم ورحمة الله
اغرب بنات بالعالم بنات السعوديه مادري وشفيكن ماتهتمن بنفسكن والله ان امهاتكن منول اسنع منكن وشبكن انتن الوحده كسلانه ولاهيب تهتم بنفسه خصوصا بامور الحريم الله يصلح قلوبكن بس:39:
انا الحين وانا رجال اعرف اكثر منكن!!!!!!!!:35:
اسمعن بس الهرج الي يجمد على الخشم مهوب كل مايقالكن تسونه ترى بوه بعض الاشياء مضره وله مضاعفات شينه
اللي تبي تضوق ياختي؟:04:
الله ماامر بشئ الا هو نعمه ولمصلحة الانسان ؟
الاربعين حقت النفاس هذي نسميه المهله . المهله هذي جعله ربي مثل ماتقولون اعادة ترتيب الوضع والبنت اللي ماتاكل زين ولاتعالج نفسه بالحوايج المخصصه لهشئ خلاص راحت عليه ولافيه فرصه ثانيه يعني اذا خلصت الاربعين يوم وانتي ماهتميتي بنفسك لاتلومين ابو الشباب اذا اعرس عليك ايوالله اني صادق وهذا من خلال تجارب وشئ معروف الاربعين مهمه يابنات لاتفوفتكم بسبب الكسل والتنبله
اغدن حريم وبلاش نوم واكل وتبطح
نجي لم الوصفه حقتي وهي وصفه سهله وتصلح بعد للبنات اللي ماتزوجن
بسم الله
حنا نسمي الحرمه بنفاس اللحمه المكشوفه؟؟؟:44: واللحمه المكشوفه اذا هب فيها الهوى تتعفن وتروح وتدود لازم تحافظين على نفسك عن الهوى هذا اول شئ
ثاني شئ نجي للاكل ؟
الاكل فيه محظورات ماتاكلينه ابد
مثل الحوامض بجميع اشكاله والحوار والمشروبات الغازيه ولاتاكلن وجبات سريعه نبي اكل طبيعي
وخصوصا مثل المطازيز والمرقوق ونبي الحلب والرشاد يدخل بالاكل وتحملن الريحه ميخالف لكن الجنه ****لله ونبي قشر القهوه تقهوينه كل يوم مرتين الضحى وبالليل
تراه خطير ومفعوله سحري وكولن فراخة حمام تراهن عافيه وصحه وتقوي الجسم بالحيل تصيرين دبابه
واللي تبي الحراره الداخليه بالمنطقه الحساسه والضوق بعد وطرد الرطوبه الزياده كثرن من الفلفل الاخضر الحار مفعوله سحري بس تراه مايجي على طول يعني تاكلينه اليوم على الغداء والعشاء ولمدة ثلاثة ايام بكل وجبه
وباليوم الرابع تطلع نتيجته وبتدعون لي
ونجي للتعقيم
بصيدليه غسول معقم هذا تجهزينه قبل الولاده وتخلينه بدورة المياة كل ماتدخلين للدورة المياه وتخلصي تغسلي المنطقه همن تعقمينه بهالغسول
ونجي لم العشبه السحريه حقتي
هذي عشبه عند العطار اسمه ((((خوا جوا))) هالعشبه سبحان الله العظيم له قدره عجيبه على اللتمام الجروح بشتى مناطق الجسم وانا استخدمته مع حريم للنفاس عشان الخياط ولتمام الجرح ونجح معهن بفضل الله العظيم مثل الحين خياط الدكتور للولاده بعد 25 يوم يطيح الخيط او بعد تمام الشهر لكن هذي العشبه تلم الجرح ب15 ليله بفضل الله بعلمكن الطريقه كالاتي:
تجيبين الخوا جوا وهو عباره عن اوراق وغصون صغيره لونها وردي وتعبين هالورق بمقدار البياله لين تمتلي البياله من هالعشبه بعدين تجيبين زيت زيتون اصلي عصره اولى بمقدار فنجال قهوه وتحطين الزيت بالقلايه وتولعين عليه النار اول مايغلي تطفين عنه النار وبعدين تجيبين الخوا جوا وتحطينها فوق الزيت وتقومي بتحريكها بالملعقه بتلاحظي لون الزيت يتغير للون الوردي وبعدي تغطينه وتخلينه لين بكرا الصباح
وفي الصباح تشخلي الزيت وتصفينه وتحطينه في جره وتسكري عليه بالغطاء وتحطينه بالحمام وستعماله ثلاث مرات باليوم في الصباح والظهر وباللليل عند النوم وتراه تنفع للجروح بكل اجزاء الجسم
كيفية الاستعمال تجيبي قطنه صغيره وتغمسينها بزيت وتمسحي على الجرح بلطف بعد ماتعقمين المنطقه وربي بتدعون لي وبتشوفون الفرق بعدين ابعدن عن العطورات وروايح اثناء النفاس وخلي قطعة مره جنبك اول ماتشمي ريحه او عطر حطي االمره بخشمك لمدة ثلاث دقايق او خمس بس
وانا مانصح بشرب المره لان المره في الفتره الاخيره مغشوشه وفيها رصاص مو نقيه زي اول
وشمها يكفي عن شربها .
نجي للتعقيم الطبيعي وهذا يصلح لك بنت
خصوصا عشان الريحه والافرازات وهي
الملح الخشن هذا كيسته بريالين رخيص يعني حتى الفقيره تقدر عليه
الطريقه عبي الطشت مويه دافيه وحطي من الملح الخشن فيها بمقدار ضمة اليد وذوبيه فيها وبعدين اجلسي فيه لمدة ثلث ساعه كل يوم الضحى وحاولي تحركين المويه بتجاه المنطقه مع فرك المنطقه ودعكه
بيزيل الريحه وبيعقم المنطقه وهو معقم طبيعي ومأمون جدا وبيفتح لك البشره بعد وبيضوق هذا بالنسبه للبنات و المتزوجات والحوامل
وبالنسبه للحريم اللي بنفاس لاتستخدمه الا بعد 25 يوم من الولاده
ولي ملاحظه بسيطه على البنات الحين لمن تنام البنت ليه تلبس ملابس داخليه مادامها بغرفتها ومتغطيه :35:؟؟؟؟؟؟؟؟؟؟؟؟؟؟؟ !!!!!!!!!!!!!!!!! حنا نعرف انكم تحبون الستر بس المبالغه مو كويسه بكل شئ اول كانت السراويل واسعه وتهوي الحين لا :hahaha:
ضيقه وتكتم والمنطقه هذي حساسه جدا لازم من تهويتها فانصح كل بنت لمن تنامي انها تشيل الملابس الداخليه وتتهوى ولافيها شئ ولاهو عيب مادام عليها قميص مثلا مابي منكن غير الدعاء بس اخوكم طبيب شعبي واللي تبي تسال عن اي شئ تتفضل تقول فمان الله:39:
منقووووووووووول عشان عنوناتكم الحلوة
والله انه عجيب
طبيب شعبي اجل ماخذها وراثه من امه
بس الله يجزاه خيررررر .. كلااااامه عين العقل