اول شي لازم تشيلين المقارنات من راسك للأبد تراها والله تهدم النفسية قبل تهدم البيت
ثاني شي
انتي على اي اساس حكمتي ان المقاطع الموجودة في التيك او غيرها انها صدقيه

ترى اقدر اللحين اكلم زوجي واطلعه من خفارته واقوله بالله جيب لي عشاء ممن المطعم الفلاني بسوي الترند واوري المتابعين عندي انك تحبني واكتب الله يخلي لي زوجي طلع من دوامه جايب لي عشاء ماهنت عليه
الكذب سهل ترى

حبيبتي مشاكل ماتعتبر ذيك الواو اللي مره كبيرة وتستدعي الطلاق والله
ترى فيه بيوت فيها مصايب يشيب شعر راسك منها لكن حريمهم صابرات ومحتسبات لان عندها اطفال بالوسط

صح الوحدة ماترضى الاهانة على نفسها وقلة الادب بالكلام لكن زوجك علاجه التطنيش والله
ولدك تعب خلاص عرفتي نظامه اللحين
خليه يتكلم يتكلم يتكلم وخليك على ماقال المثل عمك اصمخ

لان خلاص هذا طبعه يشوف ان تعب ولده مسئولية وقروشة وفيها ودي وجيب وعلاجات وهو مايبي هالشي

لكن الطلاق والله ماانصحك فيه الوحدة لكن تفكر تتطلق
تكون اقل شي موظفه وقادره تفتح لها بيت يعزها هي وعيالها وعندها سياره تخدم نفسها

مو تتطلق ثم تروح باطفالها عند اهلها بدل الثقل ثقلين ويمكن اثقال بعد

وانتي عارفه وضع اهلك

قلت لك حل زوجك السكوت والطناش وتكبير الراس عنه

بالنسبه للسوشل ميديا عندي صديقه حسابها ببلك ومقاطعها مرا ماشاء تشتهين حياتها وروقانها ولاكن هي اعرف خفايا بيتها
مودايم مبسوطه غير نفسيا تعبانه بين فتره وفتره. مااقولك الكل ممكن البعض جد هذي حياته بس ربي كاتب له هالنصيب ماشاء الله الله يهنيهم ولا يحرمنا

بالنسبه لزوجك انتي في صراع هذا زوجك وهذا اهلك قيسيها بتتحملين الرجوع لهم ولكلامهم ولا ببيتك وكيانك

الله يكتب لنا الاجر يارب

لا تصرين حساسه كثير تتعبين وتكلمي مع زوجك قولي ان هذا شي يضايقك كلام لي تقوله لي فهميه انك ماتحبين هالحكي واذا مافاد اي كلمه يقولها قولي مثلها له

معها لاول مره 100%
وآخر مره 1000،000%

لاتصدقي اللي تشوفيه من ورا الشاشات
لكن بالمقابل لاترضي على حالك اللي يسويه زوجك
جربتي توقفيه عند حده وتسكتيه
شكله يبربر وانتي ساكتة عشان كذا تمادى
قوليله ليه وانت صغير ماكنت تمرض
ولا تسخن ولا تتعب
يعني امك كانت مهملاك
كل الاطفال يمرضو ويتعبو
هطا هو الطبيعي
وللا كيف تتقوى مناعتهم لو ماتعرضو للأمراض