طبيعي اللي يصير لي ؟

بنات الله يعافيكم اللي فيني طبيعي
انا طبعي مو عصبي بزياده
يعني عاديه شخصيتي زي اغلب الناس
لكن قبل تنزل الدوره ب اربع ايام
انقلب انسانه ثانيه ثانيه
اصير عصبيه بزياده ادور اي شي اتهاوش عليه
اتحسس من اي كلمه يقولونها لي اهلي واجلس اهاوش وانا اصيح وإلكلمه جدا عاديه
يعني مثلا
اليوم اتكلم ان القيادة مهمه وان كل صديقاتي الحين يسوقون ليش انتم معارضين جالسه اكلم امي
جت اختي قالت بس عشان كذا معصبه !!
انفجرت فيها ولا كفاني رحت سبيتها بالواتس
وجلست اقولها كلام جارح
زي خلك مع الهنود يتمننون عليك بالمشوار
خلاص ماتبين تسوقين ليش تقدمين رخصه
يام الهنودذ
اختي بدون مقدمات قالت
انتي بتجيك الدوره ؟
حتى اهلي صارو يعرفون شخصيتي
اذا انقلبت وصرت عدوانيه
وعصبيه
يعرفون انها بتجي الدوره
يعني اكثر اكثر شي متعبني الحسسسسسساسيه
الزايده احسه وسواس صار فيني
زي امس اتكلم مع امي ونخطط على سفره
امي بتسكن مع اخواني بشقه
وانا وبنات خالتي وأختي بشقه
جيت قلت لامي
اذا ماراح ياخذون غرفتين
انا بجي انام عنذك مابي الزحمه
جت امي قالت انا ماراح اخذه الا غرفه لي انا وفلانه <اختي الصغيره
وفيه اخت معي بتسكن مع بنات خالتي
جت امي قالت بعد كم ساعه اذا تبي فلانه تجي معنا
لان نومها صعب او انتي قالت بمجاملته انتي
طيب وانا اللي من اليوم اقولها بجي
وتقول باخذ بس غرفه تحسسسسست بشكل
مبالغ مع انه يمكن امي ماتقصد
وعندي اخت بكل امانه لما تسوي اكل
او تطلب شي بكل امانه ماتنساني
حتى لما تجي تغسل لها شي تسألني تبين شي تحطين
معي ونغسل مع بعض
لكن لما تقرب وقت الدوره اقلب
اسوي كل شي لنفسي بس مع اني احس اختي
تتحسس اني دايم لما اسوي شي او اطلب مانساك
لكن يجي شي زي تحسس انه انتي مو شغاله تسوين لها معك لها يدين!!
انتي مو فاضيه تعطينها تتذكرين فلانه وش
سوت فيك ذيك المره واجلس أتذكره مشاكل او مواقف
من سنين احيانا !!
لاتحسبوني مستانسه اقسم بالله ابكيييييي بكي من هالشي
كل نهاية شهر
بنات شي غصب عني
مو بكيفي احس بكتمه
مع ضيقة صدر
من بكي ودي ابكييييييي على اي شي
زي امس كان عندي موعد ضروري وقايله لامي
عندي موعد الساعه١٢الظهر لازم اصحى
امي جت قومتني ١٠؛٥٠ تقريبًا
واجلس اعصب عليها واصارخ وابكي
انه ليش تصحيني قبل ساعه وانا توي نايمه
امي انصدمت ياعمري وخافت من وضعي
صارت تتعذر زي خلاص ماباقي شي وتتاخرين
انا بدون شعور جالس يصير لي كل هذا والله لما هديت
جلست اضرب نفسي كيف قعدت ابكي واصارخ على امي
لدرجه امي انصدمت
ونزلت لها وشوي وانا ببكي قلت لها مدري وش فيني
لما تجي بتجيني اصير كذا
ولا كان قصدي ولا حسيت بنفسي اصلا
وامي اصلا ياعمري ماتزعل علينا مهما نسوي 😭😭😭😭
اقسم بالله تانيب شعور للحين
فيني
بنات انا مادري وش فيني
سالت ناس يعرفون قالو عادي جدا انتي من النوع
اللي هرموناتك تتعبك قبل الدوره
طيب ليش انا كل الناس تجيهم ماشوفهم
صارو كذا من ضمنهم خواتي ماشاء الله
تجيهم وتروح وهم طبيعيات اللهم الام بطن وظهر يعني
تعب دوره
لكن مو تعب نفسيه
ودي مره بس مره تنزل علي بدون مابكي
ولا احس بضيقه صدر وفيني بكيه ودي اطلعه
قسم بالله تعبت نفسيا واتعبت اللي حولي وش ذنبهم
لما تنزل من ثاني يوم ارتاح نفسيا