لا اله الا انت سبحانك اني كنت من الظالمين

اللي كاتبه ربي بيصير
ولازم يجيك طلق طبيعي والا يكون صعب الموضوع
وان شاء الله تولدين طبيعي كثير ولدوا طبيعي بعد قيصري

ان شاء الله يارب يسهل لي فيها خير لكل الحوامل يارب واجنتهم سواءً طبيعي او قيصري

انا مثلك اول ولاده قيصري والثانيه قالو مستحيل تولدي طبيعي وجلست تقنعني اولد قيصري ولا اخاطر وجلست تتفلسف بس كنت حاسه كذابه او ماعندها خبره او ابي تستفيد لانها خاص


تركتها وجلست اراجع كذا مكان وخلصت شهري ولا جاني طلق وتعرفي مايعطوني طلق صناعي عشان عندنا عمليه قبل


جا يوم وقالو لي المويه نقصت والجنين في خطر لازم تولدي قلت اليوم قالو الحين سريع قلت لحظه في وقت اروح الحكومي قريب أتأكد من كلامكم واذا قالو ولاده اليوم برجع لكم
ورحت الحكومي وقالو فعلا المويه ناقصه شوي بس عادي تقدري تصبري كم يوم لين يجي الاستشاري يشوفك وكان يوم جمعه اجازه انتظرت الى الاحد جا الاستشاري قالي تبين تحاولي تولدي طبيعي ولا قيصري قلت ابي اجرب الطبيعي بس ماعندي بوادر طلق نهائيا وسوا لي تحريض باليد متت من الألم بس ماشاء الله عليه ماطلعت منه الا الطلق بدا وانا اطلق كنت اتذكر ذيك الدكتوره اللي تقول بينفتح بطنك بالولادات حسبي الله عليها وجلست اصارخ جرحي انفتح ويجي يضغط ع بطني يقول مافيه شي جرحك ذا الم الطلق والحمدلله ولدت طبيعي
ان شاء الله قصتي تنفعك ان مو اي دكتور عنده ذمه وضمير بعضهم تقنعك بالقيصريه لمصلحتها
دام عندك محاوله لاتضيعينها

انا صديقتي قدام عيني مو احد قالي جابت قيصري ثم طبيعي ثم قيصري والله العظيم الرابع طبيعي جاتها ولاده وولدت في ٢٠ دقيقه مالحقتها والولد ماشالله في المدرسة