ياحبيبتي الخيره فيما اختاره الله اهم شي صحتك والبيبي يكون بخير صح الطبيعي كلا يتمناه والقيصري ايضا رحمه للي عندهم مشاكل في الحوض وايضا لسلامة الجنين وحده عاندت الا تولد طبيعي وقررو لها قيصري جابت ولد عنده نقص في الاكسجين وعانت معاه تسعه اشهر ومن رحمة الله انه مات تعذبت نفسيا وجسديا معه الله يكتب اجرها بصراحه مجازفه ولاده طبيعه للمره الثالثه اخاف يصير لرحمك شي لاتحمد عقباه وماتقدري تحملي مره رابعه خلاص اقنعي بالي ربي كاتبه لك واذا دعائك مااستجيب اعرفي ان الله دفع عنك به سوء او رفعك درجه في الجنه او غفر لك ذنبك يعني ادعي الله بالخيره دايما وخلاص اقنعي نفسك القيصري افضل لحالتك

ي حبيبتي انا ولدت ٢طبيعي والثالث قيصري
الطبيعي عذاااااااااااب وعندي عقده نفسيه منه
والقيصري مأخترته أبد إرادة الله رفض الدكتور خروجي قال تحملين المسؤليه ولا تسوين العمليه وخفت من القيصري وأول شي ماوافقت وعندت وجتني الولاده وتعذبت اكثر وأخيرا سوو العمليه مع الطلق والتعب
والحمدلله ان ربي سلم طفلي واكرمني بصحته
حذاري المجازفه وتعريض نفسك وطفلك للخطر
الأطباء هم من يقررون على حسب الحاله
وفي كل الأحوال لاتحسبين لكلام الحريم والله مايخلص
انا ولدت طبيعي قالو ي حرام خربتي
ولدت قيصري قالو ي حرام اخترتيه بعد وش
وانا الحمدلله انا انا والله ماتغيرت بس من فيه عقده طلعها في غيره الله لايبلانا
ويعوضنا عن كل تعب تعبناه

اخيراً اطلبي ربك مافي قلبك وثقي بالله وقدرته فوق كل شي وارضي بالقضاء والقدر واللي كاتبه ربي
وتذكري ان الله مايختار لعبده غير اللي فيه خيره له
دعواتك ❤️