طبيــــبة نفســية..ولكن بشروووط !

مرحبا حبيباتي

مدري والله شفيني! من فرحتي برجعتي للمنتدى بعد انقطاع طويل ودي اسطر لكم اسئلة مهمة كثييييييييييرة لاني عارفة ومتاكدة ان عندكم العلم الوكاد,,مثل خبري بكم يالطيبات ..

اختي الصغيرة تواجهها مشاكل في حياتها الزوجية مع زوج مثل الجدار لايحس ولايشعر باي مشاعر!
سوتله وتسويله اشياء ماتتصورونها عشان ترضيه لكنه مثل الحجر عمره مامدح او شكر بس ماعنده الا كلمات ترفع ضغطها وتصيبها بالاحباط
وهي اوشكت على انها تفقد ثقتها بنفسها لانها من يوم تزوجت 6سنوات عمرها ماسمعت منه كلمة مدح اواطراء اوغزل!
تخيلي اي بنت تطيق انها تعيش مع حجر؟
اضافة لتقصيره معها في حقوقها الزوجية..حتى شهر العسل اذا تذكرته تهل دموعها من القهر,,حتى بشهر العسل اللي الزوج يتجمل فيه لزوجته ويدلعها ماسوالها شي من هالقبيل
واشياء واشياء مايتسع لها المقام شافتها من هالرجل الى ان جتها بسببه الغدة واحباط وانعدام ثقة بالنفس

هي الان وصلت الى مرحلة بدت فيها تفكربالطلاق!
تبي طبيبة نفسية تطلع لها كل اللي بقلبها من هموم ومشاكل وتعب وقلق نفسي وتبي صدرها يتسع لحكايتها وتعطيها الشور المفيد اما استمرار او انفصال

يعني هي طلبها طبيبة نفسية اواستشارية نفسية مو مثل هالطبيبات اللي همهم الفلوس بدون مانلاقي اي حل ..مثل د.هنا المطلق او عبدالله السبيعي اوطارق الحبيب وغيرهم وغيرهم
اللي همهم الكسب المادي وموهمهم هل مرضاهم وصلوا لحل يلاقون فيه راحتهم النفسية اولا!

اتمنى فهمتوا قصدي..

صدقوني اختي تنتظر ردكم بفااااااااائق الصبر

الله لايوريكم ان شالله مايكدركم ويضيق صدوركم :26: