امس وجدت طريقة كيكة السميد لأخت اسمها ((تبوكية حرة )) ولكن في منتدى اخر .. وربما تكون الاخت تبوكية حرة ترتاد هذا المنتدى .. ولهذا الفضل يعود لها ويجب ان احكي هون ان الفضل يعود اليها ..الله يسعدها اين ماكانت ..
شوفن الطريقة والخطوات .. والصور .. وربي يابنات تاكلن يديكن وراها ماشاء الله على يدياتي زبطتها مثل ماهي .. ولكن الاخت تبوكية حرة حطت معها خل انا ماحطيت خل ..
ثانيا يابنات انا سويتها مع المغرب وجاتني الصلاة وانا احوس فيها .. ومايمديني اقشر لوز وازينها به .. قشرت قليل منه .. وحطيته عليها بس جدا قليل .. لانه زوجي ماجاب اللوز المقشر جاب لي اللي بقشره قلت ي الله عادي يمشي اهم شي يزينها ..
وحطيت عليها جوز الهند
المهم لااطول عليكن ياغوالي هذي الطريقة والصور
والطريقة ابنسخ طريقة اختنا تبوكيه حرة
كيك بالسميد
(لاهو كيك ولاهو بسبوسه بينهم )
المقادير :
بنفس الكوب لجميع المقادير
كأس سميد
كأس طحين منخول
ملعقه بيكنج بودر
كأس سكر ( لوحبيتي تخففي براحتك )
نصف كأس زيت
كأس حليب سائل
كأس جوز هند
2 بيض ( رشة فانيليا + هيل + ملعقه صغيره خل عشان ريحة البيض )
شيره
لتزين ( جوزهند + فستق )
الطريقه :
نخلط بالخلاط الكوب البيض + فانيليا + رشة هيل + ملعقة الخل حتى يصير لونه ابيض
ثم نضيف السكر ثم الزيت ثم الحليب السائل ثم السميد
نجمع جوز الهند + الطحين المنخول
ونضيف عليهم الخليط اللي بالكوب ونحركهم ونضيف عليهم بالاخير البيكنج بودر
نصبه بصينيه مدهونه ونضع بفرن حار مسبق التشغيل تاخذ تقريباً نص ساعه واقل
ملاحظه :
لاتفتحي باب الفرن كثير الا بعد مرور 20 دقيقه لان الهواء يهبط الكيك
الشكل النهائــــــــي
نصب عليه الشيره البارده ونزينه بجوز الهند والفستق
...................................
هذي مقاديري ..
..........................................
وهذي بعد ماطلعتها من الفرن .. اعذروني ماصورت كل الخطوات .. لانها هي سهله ماتحتاج تفصيل
.................................................
وهذي للتعذيب وعلشان العيون تبحلق جيداااااااا والسعابيل تهاتل
هههههههههههههههههههههههههههه
نسيت اقول لكن ان الفنجال حق القهوة القديم فنجال ابن عمي >>>>لانه يحب يشرب في هالنوع بس مو دايم .. حتى انا احب اشرب فيه مدري ليه يحسسني ان القهوة فيه لها طعم اخر ..
حبيباتي ماابي منكن الا ان تدعون لي بالذرية كل ماواحده منكن سوت هالكيكة ..
وسلااااااااااااام ياحبايب
وتسلم يدينك