انا من رأيي دامك رضيتي تعيشين مع ضره من البداية
فاقول اصلحي بينك وبين زوجك
وخلي ليلتك م ينساها ويشتاق متى يجي يومك
خلك انسانه فرفوشه غيري روتينك اقري كتب ادخلي نت خلي لك اولويات غير زوجك وضرتك وعيالك
وادا جاء يومك اهتمي فيه اكله وشربه وملبسه وم يجيك الا وانتي باحلى طله
وبغرفة النوم خلك غييير غييير الانسانه اللي برا الغرفه من ريحه ولبس وخلي لكم جوكم لحالكم غير عن العيال
لان الرجال يطفش من الازعاج فعودي عيالك وانتو بالغرفه لحد يدق عليكم او ممكن تخلين نظامهم بعد العشاء ينامون عشان المدارس
وحطي لكم فاكهه شي واجلسو روقان
خلك انثى بمعنى الكلمة (وش نسوي هدا اللي يبونه الرجال)




وعن ضرتك طنشيها لان لو راقبتيها بتتعبين والله وبتخسرين اولا نفسك ثم عيالك ثم زوجك
فعيشي حياتك مع زوجك كأنه لك لوحدك
بالباية صعب بعدين راح تتعودين
الله يسخر فيما بينكم ويصلحه لك

طنشيها الحقران يقطع المصران
مصيرها بتطفش منه
لاتبيني اي ردت فعل حتا قدام زوجك لاتقولي اش هذا
وليش هذا
سوى نفسك ماشفتي شي
ماتدرين يمكن هي تسحب منه الكلام وتسأله عن ردت فعلك


اعملي حالك مو شايفه شي بيجي يوم ويطفشون من برود أعصابك


عاملي زوجك بالحسنى
بما انو مو فارقه معك وجوده وعدمه وجالسه بس عشان عيالك خلاص ياحبيبتي اتركي المخاصمات والهوشات خلي بيتك جوه هااااادي
واعملي واجباتك اهتمي بنفسك وعيالك وبيتك


اطلعي تمشي روحي أسواق عيشي حياتك لاتحرمني نفسك من شي
ماوقفت الدنيا عليه
وبيمل منها وبيرجعلك أن شاءالله

الله يسخره لك يارب
طيب انتي وياه هالحين كل واحد في غرفته
ماتنامون مع بعض ....
طيب ليش زعلانه على الاشياء الي تشوفينها فيه!!
اذا مو هامك نام معك ولا لا
ليش تزعلين دامك ماتبينه !!!
هي زوجها مثلك حتى لو غلط في غلط الي تسويه بس عشان تقهرك بس ب النهاايه هو زوجها بعد ... وتغااار عليه مثلك وتبيه لهاا لحالها ..
انتي اذا تبي حل ..
تصالحي مع الزوج وعيشي معه في غرفه وحده
واذا ماتبينه لاااا تزعلين ابد شوفي وحطي على الجرح ملح واااااسكتي ...

هذا زوجك في مصيبة كيف يرضا عليك القهر والزعل ياانه كارهك ياانه معموله عمل وتصرفاته كلها تدل على انك مالك وجود في حياته بايع بصراحة يختي قيمي حياتك معاه يستاهل حرق الاعصاب والدم ولا ارجعي بيت اهلك معززة مكرمة على ايش قاعدة عنده على لقمتك اصحي لنفسك

هذا دليل على غيرتها وضعفها لو واثقه بنفسها ماسوت كذا انت عدلي وضعك مع زوجك وربي ياخذ حقك منها وحطي حدود لها مع زوجك لانه لو مانعها ماسوت كذا