عندي لكم افكار انما ايه تودي في ستين داهية :23: >> أمزح لا تصدقون
الا افكــــــــــــار سنعة مثل راعيتها :o بعضها قريته في مجلة وبعضها سمعتها من
بعض الأخوات اتمنى أنها تعجبكـــــــــــــــم ...........
لإزالة الرائحــــــــــــة عن اليدين ::
لإزالة رائحة البصل والثوم والزيت وغيرها من الروائح أغسليهما اولاً بأي نوع
من الصابون وبمجرد أن تظهر الرغوة على يديك ضعي عليها نصف ملعقة صغيرة
سكر وافريكها جيداً ثم اغسليها بالماء راح تلاحظين أن الرائحة أختفت نهائياً ...
للحفـــــــــــاظ على الصوف ومنعه من التطايــــــــر ::
لتجنب تساقط الصوف من الملابس رشي عليها قليل من مثبت الشعر (( السبراي ))
عند لبسها ويجب أن يكون الرش من مسافة بعيده >> لا تروحون تغرقون ملابسكم ثمن
تطلع كأنها خشبه يالله تتحرك :23:
العلكـــــــــــة العالقــــــــة بالشعر ::
يا كثر ما تتلصق في شعور بناتي غثوني فيها تجيك الوحده تلصقها وهي متعمده علشان اقعد
ادهر واحط ثلج والا اقص الشعر لين ما حرمت اني ادخله بيتي >> شكلي قلبتها سواليف
المهــــــــــم أذا لصقت العلكـــــــــة في الشعر وتورطتي مثلي لا تنزعجي كل ما عليك
فعله هو أنك تلبخين مكان العلكة بـ زيت الزيتون أو بـ بياض البيض
>> الصورة مصربعه من أم فيصل حتى هنا ما نستغني عن اللطش خخخخخخ
فـ ستلاحظين أن العلكة خرجت بسهولة من غير أن تضطري لقص الشعر ...
لإخراج خاتم علق في الأصبع ::
عاد ذا مجربته ما يبيلها كلام ...
اذا علق الخاتم بالإصبع ضعي الأصبع داخل علبة الفازلين ،، ما يصلح تحطين عليه
لازم تدخلينه وسط العلبة >>>>> خخخخخخخخ امزح
ثم بعد ذالك أخرجي الخاتم بسهولة ...
سحــــــــــــاب الفستــــــــــان ::
أذا كنتي من النوع اللي سحابها ينفتح كل شوي >> والله من زود الشحم :o ترى ما قلت شيء
وودك سحابك يكون مسكر طول الوقت ولا يحرجك قدام الناس بخي عليه بعد ما تلبسين
فستانك وتسكرين السحاب بخي مثبت الشعر ( سبراي ) راح ينصك طول الحفله
ولا هوب منفتح ابد الا اذا فرطتيه خخخخخخخخ امزح اذا بغيتي تفتحينه راح ينفتح بسهولة ...
ستــــــــــــارة الحمام ::
اذا بدت الستارة تصدي ويالله تنفتح حطي عليها قليل فازلين وراح تصير مثل الطيارة
بس انتبهي لا تصمخك :42:
أتمنى أن افكــــــــــــاري أعجبتكـــــــــــم واستفدتوا منهـــــــــا ...
