طحت لكم على خلطات للغاليات بس

للعنايه بالبشره
وصفة رهيبة للجسم تخليك ابيض من القشطة واصفى من الحليب:
3 ملاعق كبيره حليب باودر
4 الى 5 ملاعق هرده ( طحينيه السائلة مو الحلاوة الطحينية )
عصير ليمونه وحده
3 الى 4 ملاعق سنفره جسم ( اي نوع بس يفضل على مشمش )
ماء حسب الكميه للعجن
وبس تخلطون المقادير كلها مع بعض وتدهنون فيها الجسم وتخلونها ربع ساعة الى نص ساعة واللي تبي تخلي اكثر يكون احسن مايضر
بعدها راح تكون ناشفة تقومون تفركون جسمكم بايدكم مو بالليفة بحركة دائرية وراح تطيح من جسمكم وبعدها تتروشون عادي وتحطون شاور جل او اي شي تبون وشوفوا بعدها النظافة واللمعان والريحة الحلوة
بس هاااااااااا ترى ماتصلح للوجه ترى قوية عليه
وانا انصح العرايس فيها اذا يسوونها بالاسبوع مرة او مرتين بيلقون نفسهم ابيض من القشطة وانعم من الزبدة
وهي تستعمل مرة او مرتين بالاسبوع

مهمممممممم لكل عروس متوهقة في إزالة الـ(....) عندي لكم الحل بالتفصيل الممل

أول خطوة لهذا الشي لازم الشعر مايكون طويل ولا كثيييير مرة يعني يكون قصير مقصوص ومخفف بمقص او يكون محلوق قبل كم اسبوع مايقل على 3 اسابيع يكون اخذ وقتة في النمو وصار سهل الإزالة ..
تعرفون ليش لازم يكون قصير ومو كثيف؟؟ علشان ما يألم بالشيل

ثاني شيء النظافة لازم المنطقة تكون مغسولة ونظيفة علشان البكتيريا ماتنتشر في المكان وتسبب حبوب.. واليدين لازم تكون مغسولة ونظيفة علشان ماتنقل الجراثيم للمنطقة..

نحتاج علشان تتم عملية النتف بنظافة وإتقان لـــ

1-الحلاوة تكون من النوع الجيد وأنا أرشح لكم حلاوة ممتازة مرررررررة تباع بالصيدليات والسوبرماركت إسمها (زهرة سويت مصنوعة من العسل ) هذي تجي بكرتون وفية 4 أكياس حلاوة مغلفة وسهلة الاستخدام حتى ماتحتاج تسخين .

2-سكر مخلوط مع موية بس السكر اكثر من الموية يذوب في الموية (يدهن على المنطقة لآنه بعد مايجف ونبدأ نشيل بالحلاوة بيتلصق بالشعرات والجلد الميت ويشيله مع الحلاوة)

3-ملقط للمسات النهائية او آلة براون(أنا أرشح الملقط لآنه اسهل من المكينة) علشان نشيل الشعيرات المتناثرة والي الحلاوة ماقدرت تشيلها .

4-نشاء ذرة+ليمون+ماء ورد .

5-مراية علشان تقدرون تشوفون المنطقة وتشيلون كل الأماكن.

6- كريم فيسودين الي بخط أحمر.)موجود بالصيدليات


طريقة النزع:-
أولا ندهن خليط السكر والموية ونتركة ينشف وبعد كذا

ناخذ كيس الحلاوة ونسخن الحلاوة بحرارة اليد ونمدها لحد ما تصير مرنة وسهلة الاستخدام.. نأخذ قطعة صغيرة من الحلاوة قد العلكة(اللبانة) ونبدأ أول شي بخط البيكيني (أطراف الـ.. ) بعد ماننتهي منه . نبدأ النتف من الأسفل للأعلى حتى .. ولا تنسون كل زاوية في ... حتى من الخلف .. المراية بتاسعدكم ..

بعد ماننتهي من النزع نمسح المنطقة بمناديل فيها زيت اطفال او مناديل ديتول المطهرة .. ونجيب الملقط وننزع الشعيرات القصيرة.. بعد كذا نجيب خليط النشاء والليمون وماء الورد .. وندهن المنطقة فية حتى يجف وبعدين نشطف المكان ونحط مرهم فيسودين ..
شوفوا كيف المنطقة بتصير ناااااااعمة زي الأطفال

ملاحظة استمروا بدهن المنطقة بمرهم فيسودين كل يوم لمدة ماتقل عن 4 ايام لضمان عدم التهاب المنطقة وظهور الحبوب والدمامل :09:


نصيحة أخيرة لازم تشيليون الشعر قبل الزفاف بمدة لاتقل عن 3 او 4 ايام مع الاستمرار في دهن مرهم فيسودين

اتمنى يكون شرحي واضح :22:



حل لازالة السواد بالجسم .. مثل الركب والكوع ومابين الفخذين

1.لازالة السواد من الابط والافخاذهذي الوصفة يمدحونها وانا بديت استخدمها وهي عبارة عن علبة نيفيا _ بيضاء _ غير دهني
ووضعي فيه ملعقتين صغار من الشبه _ هذي اللي يستخدمونها للابط عشان ريحه العرق رهيبه
تلاقينها عند العطارين
_ اخلطيهم جيدا
مو يصير مثل الحليب يعني يصير كأنه <كريم جرجنز. يعني لا تكثرين الشبه..
وحطيه كل يوم قبل النوم _ كل يوم_ على المنطقة المراد تبييضها. وخليه كانه لوشن

2..للركب والكوعينهرد مطحون (موجود عند العطارين بس مو مطحون يعني أنتي طحنيه)
فازلين ( هذا موجود في كل بيت)
الطريقة/
اطحني الهرد واخلطيه مع الفازلين وادهني به الركب لمدة ربع ساعة
بعدين غسليه واستمري على الوصفة لمدة اسبوع وحت لاحظين الفرق

3. .. لازالة السواد من الكوعين والركب
سخني زيت زيتون و دلكيه على المنطقة السمراء المراد تنظيفها وافركية بالليمون وقليل من الملح ثم اغسلية وكرريها الى ان يختفي الاسمرار. على الاقل استخدمية مرتين في اليوم*
ليمونة مع شوية زيت زيتون وتبللين القطنة في الزيت والليمون وتدلكين بها الجسم*
زيت زيتون + ملح ادلكيها على المنطقة السوداء وكرريها لمدة اسبوع وراح تعطيك النعومة والتفتيح *
استعملي الليمون مع الملح كل يوم واحسن شيء اعصري كمية من الليمون وذوبي فيها الملح وضعيها في قارورة واحتفظي بها في الثلاجة وعلى فكرة يمكنك اضافةالجلسرين لها للمحافظة على النعومة.

استهال تردون عليي ولا لأ؟؟؟

للأمانه تراه منقول مادري اذا كان موجود في النتدى ولا لأ:42: