طحت من الدرج!!! شوفوا شصار لي

الحمدلله على قضاء الله و قدره

الحمدلله على ماكتبه ربنا
لا انكر اني حززنت جدا على حملي هذا و تضايقت الهم لاعتراض لاني كنت محرصة اني مااحمل و استخدمت حبوب الرضاعة بعد النفاس الا ان ارادة ربنا فوق كل شيء
حملت و كتبت موضوع عن صدمتي بالحمل رغم استخدام مانع بعد التوام!
ولكن ماقول الا الحمدلله على كل حاااااال
قبل امممممس كنت شايلة اكل بنزله لاهل زوجي قبل صلاة المغرررب وكنت غارفته بصينيتين بايركس ثقيييلة و شايلتها بطفرية و انا نازلة كانت شيلتي مرتخية بتطيح من راسي و طنشت قلت اذا قربت للباب تحت عدلتها وشوي اسمع صوت الا حماي اخو زوجي بيطلع الدرج وانا انللللخم و ازحلق بنهاية الدرج و الطفرية باللي فيها ضغطططت على بطني وقاومت و قمممت من الفششششششلة شوي واصيح وهو استحى و طلع من باب الدرج اللي يودي للشارع
وديت الاكل لهم ورجعت شقتي فيني صيييييييحة و شوي عالعشاء الا الله يكرمكم نزل معي مثل المخاط ودمممم ومغغغص مثل الطلق ورحت اقرب مستوصف قالت الدكتورة هذي سدادة الرحم وحولتني على اليمامة قالت ولادة 😭😭😭😭
وانا ارررررفض قلت توني مادخلت السادس ورجعت البيت والمغص رايح جاي و انا اتلوووى من الالم و عالساعة 12 بالليل ماصبرت رحت للمستشفى و شافو نبض الجنين وكانت الصااعقة😭😭😭😭😭
الجنين ناااقص عنه الاكسجين و الماء قلييل من كثر مانزل معي نشفت مويته !
وقالت الدكتورة ولادة وانا اسلم امري لله و حطولي طلق صناعي و ولدت و قلت للدكتورة و نبهتهاااا تكفين اذا البيبي ميت او حالته خطره لاتوريني اياه مابي اشوفه ولا اتولع فيه!
وولدت و كانت بنت لكن سبحان الله صغيييييرة و زرررقاااااء توها نهاية الخامس بداية السادس
و حطوها بالحضانة ثاني يوم الفجر توفت ولاحول ولاقوة الا بالله العلي العظيم! وطلبت وشددت انهم مايجيبوها لي ولا احبها ولا اشم ريحتها علشان مااتولع فيها و اتعب او اتذكرها
اكتب لكم وانا ارجف
دموعي ماوقفت
حسيت انا السبب استغفر الله بسسس
وام زوجي زعلت علي تقول ليش شايلة كل هالصحون وبطنك وش كبرها! حسيت و ايقنت بغبائي ولعلمكم الاكل مخصوص لها لانها كانت صايمة و طبخت لها الاطباق اللي تحبها
مدري مشاعري مختلطة
نفسيتي تعبانة
لله ما اخذ وله مااعطى وكل شيء عنده باجل مسمى
ريحوني نفسيا و دواتكم لي وان الله يخلي ماتبقى من اطفالي و يحفظهم من كل مكروه
يا رب تجبر بقلبي و قلب كل ام فقدت ضناها