يا عزيزتي لو تعرفي سر دقيق الحمص ما تخليه يخلص من بيتك


هذا استخدميه في اي ايدام هندي اللي هي الماسيلا


يالغاليه اقولك طريقتي ايدام الكباب بدقيق الحمص



اول شي جيبي اللحمه المفرومه وحطي عليها البصل والثوم والزنجبيل وبهاراتك والملح اعجنيها زين واعمليها مثل شكل الكبه كببيها يعني


جيبي القدر اللي حتطبخي فيه وحطي فيه شوي زيت حطي الكفته فيه وحمريها بالزيت عشان تتماسك زين شيليها على جنب حتلاقي في شغلات لصقت بالقدر خليها هذي نبيها السر فيها


حطي البصل والثوم والزنجبيل كلهم طازج التقطيع على كيفك تبين جوانج تبين مفروم ناعم اللي يريحك احمسيهم زين

حطي بهار الكاري وحطي كمان فيه شغله بالسوبرماركت اسمه عنب الثعلب مخلل هندي خذي حبه واهرسيها زين مع الخلطه حقتها وحطيها وقلبيهم وحطي الصلصه وقلبيهم جيبي زبديه حطي فيها مويه عادي وحطي عليها بودرة حليب جوز الهند تقريبا ثلاث ملاعق كبار ومعاها من 3 الى 4 ملاعق كبار حمص مطحون اخفيقهم زين عشان ما تتكتل وصبيهم على كشنتك وحركي الخلطه بعدين سقطي فيها حبات الكباب اللي سويتيها وخففي النار عليه واعطيه من عشر الى ربع ساعه حق اللي تسوين الرز الابيض ويستوي

قفلي عليه وتكوني مجهزه كزبره خضراء مفرومه حطيها عليه وخلاص قدميه وشوفي الطعم الحلو انه يعطي قوام كثيييييييف مررررررررره


تقدري تسوي نفس الطريقه السابقه بس بقطع اللحم العاديه لكن ما تحطي الحمص وحليب جو الهند الا بعد ما يصير نص استواء


اذا ما عندك حليب جوز الهند حطي مقدار ملعقة اكل زيت جوز الهند برشوت بس تراه قوي نكهته عندي الحليب افضل وساعات احطهم الاثنين


وموفقه يارب

ماشاء الله عليك شوفي أكثر العضوات هنا حفت رجليهم يدورون عليه بعد موضوع هنو الدلوعه حق الفلافل بالفرن
بس تراه بعد عن تجربه مفيد جدا للبشره يشيل الكلف والتصبغات..