طرت على سالفة … تعالوووو نتناقش سوا / معدل

السلام عليكم ياحلوات وعسولات وقمرااات
كيف احوالكن
ان شاء الله تمااام يااااارب آمييين

طرت علي سالفة صارت لي وللحين موجعه قلبي ولاادري وش اسوي
ف قلت جاء وقته اطرح هالموضوع نتناقش فيه وبنفس الوقت ناخذ حلول من بعض

سالفتي ياقميلااات ياامورات ياحلوات < اخلصي علينااااا

اخت زوجي الله يهديها اكثر من مره تذكر صديقتها اللي تصير زوجه زميل زوجي في العمل
وتوصفها وتوصف جمالها ودلعها < والله ماشفتها بس حسيت انها توصفها بشكل مبالغ فيه
كانت تقول آه يافلان لو تشوفها … وانا موجووووده وهذا اللي فور دمعي
بالقوووه ماسكه نفسي ماهجمت عليها
الحمدلله انا وااااثقه من نفسي مو تجي وحده مواصله يومين وفاصله تقول لازم اكون واثقه واطنش
لاااا مسسسسستحيييييل اطنش هالحركات لانها تمس هيبتي واحترامي
مهما كااان انا لي مكانه بالعائله لااازززم الكل يوقف عند حدودها < الحلوه طلعت عن الموضوع … ارجعي ياهوووووه :)
المهم زوجي دااايم يسب زوجها وانه محد يحبه بالعمل وانه نذل واللذي منه
وهي قامت تذكر مشاكل هالمره مع زوجها وانها وصلت معه للطلاق بس رجعت له عشان ولدهااا
المشكله زوجي صار يسألها عن اخبارها
للحين الموقف ينرفزني وودي لو رديت عليهم بوقتها بس عارفه نفسي راح اخربها


الحين نجي للزبده من السالفه كله
اولاً لاحظوا كيف صار زوجي يسأل عن المره يعني لفتت انتباهه وهو ماشافها ولاكلمها بس سمع عنها
ثانياً وكلامي هذا اوجهه لكل وحده ماتحترم وجود زوجه اخوها واقول حسبي الله عليك ونعم الوكييييل
ثالثاً برأيكن وش التصرف الحكيم في مثل هالموقف
تروني اعاني منه بقووووه افزعن لي لاهنتن ياحبوبااات
ابي رد قوي ومحترم في آن معاً < ترا متعوب عليها ردوا لو بس عشان هالجملة :)

يالله حبوبات المايك لكن
وبليييييز قلبي اللي موعارفه كيف توصل رأيها بإحترام تنسحب بهدووءءء
عشان موناقصين ذنوب اوكي حبيباااتي


سلاااام