لا حول ولا قوة الا بالله

تدرين اعرف وحدة نفس وضعك أمها ماتطيقها وماتطيق وجودها في المكان وفي الأخير اكتشفوا ان بينهم حسد شدييييد
ناس حاسدينهم على بعض
وعشان كذا أمها صارت تتضايق من وجودها بدون سبب

إللي عليك تسوينه لاتقولين مااقدر إلا تقدرين وش معنى غيرك يقدر وأنتي لا


تذكري ماراح احد ينفعك ويغير من حالك إذا مانفعتي نفسك وحاولتي تغييريين من حالك
مجرد العضوات يخرجون من موضوعك راح ينسونك وينسون مشكلتك

اهتمي بنفسك لأن ماراح احد يقدر يغير من حالك إذا ماغيرتي من حالك انتي
اعزمي بقوة وخلي عنك كل شي النت والواتساب والتلفزيون وتفرغي لقراءة سورة البقرة والاستغفار

هل انتي مداومة على معصية : غيبة أو نميمة أو تأخرين الصلاة عن وقتها

هل ظلمتي أحد

هل مستمرة على انك تأذين احد

هل تعاملين عيالك بقسوة

لاتجاوبيني هنا جاوبي نفسك ياقلبي

بيني وبينك إذا حسيت بنفور الناس مني احاول اصلح علاقتي مع ربي

اصلح مابينك وبين الله يصلح مابينك وبين الناس
خليك مواصلة على قراءة سورة البقرة بنية الرقية الشرعية

والزمي الاستغفار ( استغفر الله الذي لا إله إلا هو الحي القيوم وأتوب إليه )

وتصدقي لو بالقليل بنية ان الله يغير حالك إلى سعادة وراحة وقبول من الناس ويبعد نفور الناس عنك

اعرف وحدة من قريباتي فيها مس وسبحان الله صاروا الناس ينفرون منها وهم مايدرون ليش يتفرون منها
بعدها اجبرت نفسها على قراءة سورة البقرة لفترة طويلة وسبحااان الله صاروا الناس يحبون يجلسون معها

علاقتك مع أمك كيف تنافخين عليها تطيعينها تفضلين عيالك عليها قدام عينها

تقهوينها وتجلسين معها وإلا طول وقتك وانتي عندها في البيت منشغله بعيالك عنها

هل انتي اكثر وحدة من خواتك تجلس عندها في البيت

يمكن أمك ماتبيك تخسرين زوجك وبيتك عشان كذا تقولك انتي مطولة

الله يفرج همك ويحقق جميع أمنياتك

إذا داومتي على سورة البقرة ولزمتي الاستغفار مو بس علاقتك مع أمك بتتحسن إن شاء الله حتى مع زوجك إن شاء الله

تقربي منها بالهدايا ( تهادوا تحابوا ) وصارحيها مافيها شيء بهدوء وبدون رفع الصوت ويمكن زوجك مضايقها بشيء وما تبغى تقولك ويمكن احد ناقلها كلام عنك بالرغم اني استبعد هالسبب لأن الأم ادرى بعيالها تعرف كل واحد فيهم وفي اخلاقهم وشخصياتهم

بس وش معنى هم ماتغيروا على بعض بس تغيروا عليك انتي ياقلبي يمكن انتي اللي يكون فيك حسد ياقلبي

أمك أكيد تحبك و تحب أولادك
لكن ممكن عيالك مزعجين وعيال خواتك يحترمون جدتهم كذا تغيرت المعامله

وحكاية أن أمك تستقذر عيالك كل أم بتشوف عيالها نظيفين لكن يمكن يكونون في الحقيقه غير كذا عيالك أغرفيلهم بصحن لحالهم وأنت و أمك كلوا بصحن

أنا أشوف العجيزات جاراتنا يجن يشكن من ازعاج عيال عيالهن يقولن ما استرحنا لين راحوا عنا طبعاً هن ما يصرحن لعيالهن انهن منزعجات من عيالهم وحاسه في أمك لاني مجربه ازعاج عيال اخواني لما يجون

***
انصحك إذا رحتي لامك لاتخلين عيالك يسرحون ويمرحون على كيفهم حذريهم قبل تروحين خليهم يحترمونها وما يلعبون عند راسها ولا يلعبون في أغراضها وأخذي معك أكل حتى ما يخلصون أكل أمك ولا تطولين عندها إذا كانت بنفس منطقتكم روحي لها العصر وارجعي المغرب وإذا كنت خارج المنطقه يوم يكفي
( وحي الله في من زار وخفف )

أحيان عيال أختي لما يجون يزعجون أمي وتقول أمي أخذي عيالك ورحي لبيتك وأختي عادي عندها ما تزعل وإذا راحوا تشتاق لهم وتدق عليهم تقول تعالوا وهذه الحاله

****

صدقيني يا أختي أن أمك تحبك و تشتاق لك أنت وعيالك لاكنها تخاف من ازعاجهم أو أنها تخاف يخربون أغراضها أو يقضون أكلها

أنت أخذي أكلكم معكم وحذري عيالك من الازعاج وخليهم يلعبون بالحوش لا يلعبون عند راسها وأنتبهي لا توسخون بيتها أطلعوا منه زي مادخلتوه

وثاني شيء سواليفك معها حاولي تجيبين السوالف الزينه اللي مافيها ضيقه ولاتكدير القصص المرعبه لا تجيبينها عندها يعني عند أمك صيري مثاليه لاتقولين هذه أمي عادي نسوي عندها أي حاجه أمك خلاص كبرت ما عاد تستحمل