طردتني من بيتها وظلمتني ولا احترمت فارق السن وتقول ما بينا شي

السلام عليمك ورحمه الله وبركاته

اشلوووووووووووووونكم يا احلى عالم


اليوم ابي رااااااايكم هل انا غلطانه ام لا

عندي سلفتي بالبيت اصغر مني بكثير بعمر عيالي واستغلت تعلق العمه بزوجها لانه اخر العنقود دلوعة امه

واستغلت كره عمتي لي مع انها لو تنخل الارض مراح تلاقي وحده تتحملها كثري

اخذت النقاط اللي ضدي وشعللت حروب بيني وبينها

تدور السبه لو هي قشه طايحة بالارض بس ما لقت غير البزران حجة علي

قامت تتهمني اني اضرب عيالها واروعهم وتعمد تعقيدهم من اني بريئه منهالشي براءة الذيب من دم يوسف

اللهم ان كان من غير قصد بمعنى اضرب عيالي ويكونون الشيوخ عيالها موجودين

ومرة رحت ابي اتفاهم معاها جيتها بكل ادب وكلمتها بكل رقه قلت ادبها علي وطردتني من بيتها

هذا غير خرووووووووفان زوجها اللي ضرب العرف والعيب بعرض الحايط وقام يفزع معها ويتشكى عند اخوه اللي ما منه رجا

فكر بطريقه اخلص من هالمشاكل

لقيت ان الحقران يقطع المصران عقب ما كنت احسبها من العايله حسبتها تنشاف لاول مرة اعاملها بكل رسميه

ولا لها عندي اي تقدير اذا ولدت والا راحت والا جت مالها عندي اي حيز

لقيت النتايج تتطلع بسرعة
قامت تسمح لعيالها يختلطون بعيالي لوقت متأخر وتتقرب من عيالي بالهدايا وتتعمد تسلم علي وتتعمد تكلمني
والله اني ما بغيت الشر ينتصر دست على جرحي وكبرت عقلي وخليت عيالها ما يفارقون عيالي

بس اهي لا
واخيرا لقيتها دازة مسج تسأل عني وعن احوالي وتقول انا عيال اليوم وما بينا شي

بس الجرح مازال ينزف مستحيل اني ارجع اخاويها مرة ثانيه وبظل على سياستي معاها:(