طردت أولاد اخت زوجي وسلفتي

مرحبا واتمنى تتفهمون موقفي قبل لا تتهموني بعد الإحترام وما احلل ولا ابيح اي وحدة تسرق موضوعي هذا وتحطه في الانستقرام او اي موقع آخر ،، اللهم شل يدها آمين .. والموضوع طويل اللي ماتبي تقرأ لا تقرأ براحتها ....في البداية للي تعرفني انا متزوجة وماعندي اطفال الله يرزقني قولوا آمين ..... المهم انا جدا طيبة للأمانة واحب الاطفال والله العظيم وتدمع عيني ويوجعني قلبي اذا شفت طفل صغير الله المستعان ..وباين علي اني اتشفق عالأطفال واحبهم واشتري لهم هدايا اذا نجحوا مع ان زوجي يزعل مني يقول لا تصرفي مصروفك على اطفال لهم أهل يشتروا لهم ( يقصد اطفال اخوانه واخواته )المهم اخته وسلفتي احس انهن استغلن الوضع وحبي لاطفالهن خاصة ..ومن قبل رمضان صارن لما يتفقن ويروحن اي مكان مثلا سوق او مشغل نسائي او تمشية او او او ، يحطن اطفالهن عندي بالشقة ،، هم عددهم ماشاء الله 6 ..اصغرهم 7 شهور واكبرهم 8 سنوات ..بالأول استقبلهم عادي بالعكس يونسوني للأمانة وألعب معاهم ونتفرج سوى عالبرامج الكرتون واسوي لهم اكل وهكذا ..زوجي ماعجبه الوضع بس ساكت وادري انه مو عاجبه لأنو الله يصلحهم ملاقيف وفيهم شقاوة وكذا مره كسروا لي اشياء بالشقة هذا من غير الموكيت تدمر من اكلهم والحمام تدمر وهكذا وطبيعي لانهم اطفال ..طبعا قبل لا يجيبون اطفالهم فيه اتصال مسبق وكنت اوافق لكن صار يوميا يجيبونهم لعندي وانا بديت اطفش يا بنات ..شفتي اللي تصير نظيفه ايام وايام صارت حديقة العاب ولازم تنظيف يوميا وخصوصا الحمام الله يكرمكم ...طبعا الحال هذا قبل رمضان بإسبوع ..وهم مفهميني انهم رايحين لمستشفى او احيانا يصبغون بيتهم وعمال مليانه وهكذا .. كذا تبريراتهم لي مع اني ماطلبت التبرير ..المهم اول يومين يستأذنون مني قبل لا يجيبوهم ومستحيل يجيبونهم الا اذا رديت على اتصالهم والحمدلله أرد وبكل ترحيب اقول جيبوهم يا هلا فيهم ..بس يا بنات الوضع زاد عن حده قسم بالله ، يجيبوهم من العصر ماياخذوهم الا 12 بالليل وانا تعبت مراكض وراهم واهملت زوجي وفوق كذا ازعاج اعوذ بالله وراسي طول وقته صداع في صداع واللي تعبني اكثر اللي عمره سبع شهور واللي عمره سنتين .. بس هالاثنين لحالهم يبغى لهم مداراه واهتمام خاصة ان الاطفال اللي اكبر منهم يضربونهم ..المهم جاء رمضان والحمدلله قلت راح ينقطعون عني وارتاح ، إلا من اول يوم رمضان ومن غير استئذان ولا علم عندي رن الجرس وقت الظهر تخيلوا الناس نايمة وانا اقعد 4 اطبخ الا جايبين اطفالهم ويضلون عندي الى 2 بالليل واحيانا الى الفجر !!بالله هذا شيء معقول ؟؟ ولا شايفيني حضانة !!المشكلة انهن بعد التراويح يجي زوجي يقول تستاهلي فاتحه بيتك حضانة وامهاتهم موجودات عند اهلي مسيرات ولا ازعاج اطفالهن ولا شيء .. جالسات مرتاحات يتقهون وضحكهن عالي بالبيت ...انا من اول رمضان جيت الاطفال ماهي عاجبتني لاني مشغولة ووراي طبخ فطور وبعد المغرب ابي اجلس مع زوجي اتقهوى وكذا وبعدها اريح ساعتين واقرا قران ثم اسوي السحور والتفت لبيتي ..اللي خلاني اكتب هالموضوع قبل ثلاث ايام وكالعادة رن الجرس الساعة 3 الظهر ، صحيت وفتحت الباب لقيت سلفتي جايبه عيالها وعيال اخت زوجي وقالت مايستغنون عنك يبكون يبغونك .. لاول مره اتشجع واقول لها ضفي عيالك انا تعبانة وعندي شغل وابي ارتاح ولو سمحتي لا عاد تجيبنهم عندي وبيتي مش حضانة ..المهم راحت وهي مصدومة من ردي ..عدى اليوم على خير وماقلت لزوجي ... حتى يوم صحى سألني غريبة وينهم .. قلت ما ادري ..ولأول مرة اعيش اجواء رمضان مع زوجي !! لا ازعاج ولا ملاحق اطفال ولا تنظيف زايد .. صرت اتقهوى وانا مروقه !إلا بعد صلاة التراويح تتصل علي اخت زوجي ولسانها اطول منها وسب وشتم ولعن وان اطفالي مش عاله على احد واحمدي ربك نونسك بأطفالنا ووو إلخطبعا ما رديت ولا كلمة فقط سكرت الخط بوجهها .. هذا من غير رسائل الواتس منها ومن سلفتي وزوجها بعد !!وصار كل العايله تعرف هالقصة هذا اذا ماكان فيه بهارات زايدة من اخت زوجي وسلفتي !!حتى زوجي متكدر بس ما تكلم لانه يعرف انا مالي ذنب وطيبة وما احقد على احد ..ليش يا بنات اللي يسوي خير للناس يلاقي شر ؟؟ليش نسوا الايام اللي استقبلت فيها اطفالهم وحطيتهم بعيوني وونستهم هذا من غير هدايا نجاحهم ؟؟ولا عشان انهم ماهم اطفالي صار كل شي اسويه لهم من طيب خاطري جريمة !!انا الان قطعت علاقاتي بأهله كلهم لان الكل زعلان او شايل بخاطره علي انو كيف طردت الاطفال وهم عند باب بيتي ؟؟يعني مايحق لي ارتاح ؟؟ انا زوجة وعندي مسؤوليات زوجي وبيتي ولا عشان مافي اطفال يظنون اني متسدحه ليل نهار لا طبخ ولا نفخ ويلا خلونا نفتح شقتها حضانة ؟؟قلبي يعورني وعلى صدري هم مثل الجبال ..