تصرفك صح وعين العقل ... بالعكس الطيبة الزايدة مضرة ... ميخالف للضرورة القصوى جيبوهم بس يروحون يتقهوون وانتي ماسكه عيالهم سلامات.. بس من رايي المفروض انسحبتي بالتدريج ... والله انهم موب كفو

ربنا يرزقك بالذرية الصالحة عاجلا غير اجل ويفررررررح قلبك

انت ماقصرتي من البداية. وردك عجبني عرق وسيحتي دمه لان لو تعذرتي باي سبب راح يرجعون لنفس العادة ويجيبوا عيالهم عندك وانت راح تطلعي عذر كل مرة.
بس ابغى اسالك كم مرة جابوا عيالهم عندك

بصراحه هم استغلوكي يعني من بعد الظهر حتى آخر الليل يعني اكلهم وضربهم وتنظيفهم عليكي يستاهلو اللي سوتيه فيهم مع اني ضد طريقتك بس والله ا لومك

جابوا عيالهم من قبل رمضان بإسبوع إلى يوم 15 من رمضان واحسبي عاد ..

بإستثناء يوم لأني نبهتهم من الفجر اني بروح لاهلي وما اكون متواجده في شقتي ، ومع هذا زوجي يقول لي رن الجرس وانا في البيت وطلعوا هم وقلت لهم انك مش موجودة !!!


يعني معقولة مايصدقوني اني بروح لاهلي ؟؟ وفعلا يومها كنت عند اهلي ..

يا بنات انتم تلوموني ان اسلوبي وقح معها لكن بجيت اطفالهم عندي يوميا اهملت بيتي وزوجي وانحرمت من الطلعات مع زوجي او عزايم اهلي .. يعني لما اتصل عليهن المغرب اقول اطفالكم طفشوا عندي تعالوا اخذوهم يقولن خليهم شوي ونجي .. وطبعا مايجوا الا 2 بالليل وبرمضان الفجر بعد السحور ياخذوهم ، ومره اولا سلفتي ناموا عندي والعذر ابوهم تعبان ويبي ينام مايقدر يجيهم وزوجي يقول شفته بالاستراحة مع اهلي ؟


يعني تبي تسوي اجواء مع زوجها وتنام مرتاحة وانا اتورط !

ماشي لو تخلي الكبار اللي يفهموا عادي بس كيف تترك طفل عمره سنتين واخت زوجي تترك طفلتها عمرها 7 شهور ؟؟


انا قليت ادبي من سلفتي لانها اخذت اولادها الفجر ونمت متاخر بسببهم ومع هذا تجي من الظهر تصحيني بعز نومي وتعبي وبالاخير تجيب اطفالها والعذر مايستغنون عني ؟؟


اطفالها بالذات صحيح يحبوني بس بعد ساعة يبكون وازعاج وقلق يبغون امهم وكل شوي نبي ماما نبي نروح مع بابا وقلق ...


بالعكس زوجي ماحرضني لكن يمكن شفق على حالي وانا بس مصدعة ومراكض وراهم واتأخر عليه بالطلبات ..

مشكلتي العصر برمضان تعرفون طبخ ولف سمبوسة وفطاير وحر وغثى وفوق هذا ألاحق الاطفال اخاف يسوون شيء او يصير فيهم شيء وابتلش انا بالاهمال ..


انا تعبانة من اول ماجوا لاني فعلا اهملت بيتي وزوجي وصحتي وصرت قلقله وما اركز بالطبخ ..

وكل شوي الاطفال يقولون نبي نآكل نبي الحمام نبي نطلع برى وبالاخير يتكافخون وتعالي فكيهم ..


وبعد كل هذا اكتشف انهن يسيرن لاهاليهن او يروحون مولات مع ازواجهن وتمشيات وانا اتورط فيهم ..


انا صحيح اخطأت اني استقبلتهم لكن ظنيت انها يوم او يومين ماتوقعت كل هالمدة !!

لما انفجرت عليها عند الباب والله كنت صاحيه وراسي يوجعني ومش شبعانه نوم وناقله هم الطبخ والحر ..


للعلم بيوتهم قريبه من بيتي عشان كذا يجيبونهم عندي يوميا ..