طردني ..

السلام عليكم ..
ودي افضفض ..مابغى حل ..حلي عند رب العالمين..بس ودي افضفض احس اني بنفجر ..
البارح جاني زوجي وقالي بنمشي لديره يوم الخميس جهزي نفسك ..قلت ليش ..بنسافر في شي صاير ..قال لا بس كذا ابغى اروح لهلي يومين . قلت طيب بنتي معها مدرسه ..وانا مصدق يجي الخميس وارتاح ..
خلني انا والعيال وسافر انت...دام بس يومين ..ماله داعي اتعب نفسي ع الخط انا والعيال ..قال . .بتسافرين وغصب عنك ..البنت تداوم يوم الاربعاء واذ رجعت من المدرسه نسافر ..قلت يا ابو فلان ..السفر تعب على انا والعيال . وانت عارف جو المدارس وتعبها ..خلني ارتاح انا والعيال وانت سافر ..قال انا قلت كلمتي وخلاص . قلت له ماني مسافره ....بس ابشر الاجازه الي بين الترمين نسافر..الحين سافر انت وحدك..
المهم طلع من البيت ..ورجع نام...جاء اليوم بيودي البنت المدرسه ..وجاء ولدي يبكي يبغى يروح معه ..رفض وقال تجلس في البيت..انا قلت خذ الولد معك شوي وبترجعون قفل الباب وطلع...انا هنا قلت حسبي الله ..قلتها كذا..لاني من البارح كاتمه في قلبي ..وهو من يوم اخذتها يحب يجبرني على كل شي هو يبغى.
المهم بعد صلاة ظهر اليوم جاني معصب ليش تقولين حسبي الله انا سمعتك ..ليش تدعين على..قلت له..حمدالله ماجاك شي من دعوتي.. شوي ورجع قال ..لو تصلين ليل ونهار ماتنفعك صلاتك..ولو دعيتي مره ثانيه والله ماعد تجلسين ع ذمتي...المهم صارت مشاده بين بالكلام..انا قلت له ..ربي فوق وانت دخلت بنيتي والله يجزيك...قال انقلعي ضفي وجهك وقفلي الباب وراك...
وهذا حاله ع اي شي قال ماتجلسين ع ذمتي..
والله العظيم لو الوضع في بيتي اهلي يساعدني اترك له البيت كان تركته بس بيتي اهلي مشاكل مايعلم بها الا ربي ...
يارب انك تفرجها ..وكم مرره واحنا متصالحين اقوله لا تتهددني بها الكلمه ..ترا بيجي يوم واطلع من البيت ..
والله العظيم احس اني مكسوره من كثر ما اسمع منه هالكلمه..والي كسرني اكثر اني مااقدر اسويها واطلع ..بسبب ظروف بيت اهلي..
قولو لي..انا غلطة يوم رفضت السفر بها الوقت ..الحين مدارس وانتو اكيد عارفين جو المدارس..